Hoseya 12:8 - Bhiblia Yo Sawuleka

⁸ Se Efrayime a khene: Hambiketo, ani na ti fumisa, kambe na ti manela tithomba ta hombe; Ka yotshe mithumo yangu, kha va na mbi mana wubihi ni wawumwewo, i ku txionho.

Hoseya 12:8 Referans Kwoze

Mtuletelo 3:17

Nguko u khawe: ‘Ni nyatithombe, ni humelete, kha ni pwati txilo.’ Aniko khu ti zivi ti to ngawe mxaniseki: Nyantshanzale, u txisiwana, u dibhofu, khwa ambala txilo!

Masalmo 62:10

Mi nga thembeni wukhinyavezi, mwendo ku ti kanganyisa ngu sile i ku sa walo. Ngako mi txi wona tithomba tanu ti txi tala, mi nga vekeni timbilu tanu ka tona.

1 Timoti 6:5

kubhongelana ko mbi guma hagari ka vathu va mapimo o hambaneka, ava va ku si nga ni ditshuri, nguko va pimisa ti to wukhongeli njisima txa dibhindu.

Zakariya 11:5

eto vaxavi va tona va dayako, na va si thavi kumana mnandu; ni vaxavisi va tona va ku kha vona: A na bongwe Mkoma, nguko ni fumisilwe, hambi vadyisi va tona kha va tsetsi tinvuta tile.

Mavingu 30:20

Ngu toneto, ni nzila ya wamsikati wa digelegele: Ene wa dya, e bahulela txisofu txakwe, a txi khene: Kha na maha to biha.

Mavingu 30:12

Ku ni liveleko li ti wonako li di sawulekile, na kuve kha li zivi ka nga kuwulwa kubihani ka lona.

Masalmo 52:7

“Ndiyo m'thu a nga mbi kombela kuvhikelwa ngu Txizimu; a ti themba tithomba takwe ni mithumo yakwe yo biha.”

Masalmo 49:6

Vona va themba tithomba tawe, va ti kukumukisa ngu suma si va ku naso.

Dhewuteronome 8:17

ngu toneto, u nga wombe mbiluni kwako u txi khawe: “Mtamo wangu ni mtamo wa manza angu, ngu wona wu nga ni manisa thomba yiya.”

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Luka 16:15

Ene a ti khene kwawe: “I di anu, mi ti maha valulami masoni ka vathu, kambe Txizimu txa tiziva timbilu tanu; nguko atxi txi nga guleka masoni ka vathu, i manyala masoni ka Txizimu.”

Luka 16:13

“A walo wu a sikotako kuthumela vakoma vambidi: Nguko mwendo a na nyenya mmweyo, a txi randa mmwani; mwendo a na namarela ka mmweyo, a txi kanyisa mmwani. Kha mi na kusikota kuthumela Txizimu ni tithomba ta mafu.”

Luka 12:19

Se ni na gela moya wangu ni txi khani: Moya wangu, u na ni silo sasingi, asi si no heta malembe amangi. Humula, dyana, sela u txi ti tsakela.’

Luka 10:29

Aniko ene, ngu kulava ku ti maha wamnene, a to womba tiya ka Jesu: “Ngu mani muakelani wangu kani?”

Malakiya 3:13

Mapswi anu ma ve o lwisa ngutu kwangu, kuwomba Mkoma; aniko anu mi khanu: Intxani hi nga womba-womba txona ngu ngawe kani?

Habhakuki 1:16

Ngu toneto, wa phaxa likokani kwakwe, ni kuhisa dibaselo mabambe ka likoka; nguko ngu sona si nonisako txyavelo txakwe, se ni sakudya sakwe si maha sasingi.

Jeremiya 2:23

U nga wombisa kutxani ku khawe, kha na nyenyeziswa, kha na londisela Bhahali kani? Hi nga wona nzila yako mreleloni, alakanya ti u nga maha; awe u dikameli da mazambo di tutumelako hale ni hale.

Jeremiya 2:35

Kambe u khawe: Nga hawa ni kuwalo mnandu, kuhenya kwakwe kuhumile kwangu. Wa wona, ni na kulamula. Aniko u khawe: Kha na onha!

Malakiya 2:17

Mi rerile Mkoma ngu mawombawombelo anu; kambe mi ngadi mi txi khanu: Hi rerile ngu txani kani? Ka ti mi wombako mi txi khanu: Ni wuhi a mahako to biha, a lulamile masoni ka Mkoma, se evo nguvo ene a tsakako ngu vona; Mwendo txi hayi Txizimu txa wululamo kani?

Ezekhiyele 28:5

Mtamo wako u wu engetete ngu kuanama ka wukwewu wako; se u guletile mbilu yako ngu mhaka ya mtamo wako.

Hoseya 4:8

Vadya sionho sa vathu vangu, kambe va navela ngutu wubihi wawe.

Hoseya 13:6

Msana keto, va ti khurisile ngu sa wudyiseloni kwawe; mbimo yi va nga khura va tikulisile timbiluni kwawe; ngu kumaha keto, va ni divate.

Hoseya 14:1

Awe Israyeli, hundulukela ka Mkoma, Txizimu txako; nguko u wite ngu sionho sako.

Mavingu 11:1

Txikalo txo dyelela wa txi venga Mkoma, aniko mpimo wo lulama wa mtsakisa.

Jeremiya 5:27

Nga txikavila txo tala ngu sinyana, ngu toneto ni tinyumba tawe ti tate ngu wuviyaku. Ngu kota ya ku va nga tikulisa ni ku tifumisa,

Amosi 8:5

Mi txi khanu: U na pinda ditshiku muni m'buso wa kumeka ka mtxima, kasi ku hi txi na mana kuxavisa timbewu kani? Ni Sabbata ku hi na tula sizenda sathu sa fulaho, hi hungula efa, hi engetela mtengo wa mxavo, hi thumisa ngu kunemela sikalo so kanganyisa.