Hoseya 12:5 - Bhiblia Yo Sawuleka

⁵ ina, ni Mkoma, Txizimu txa Mabutho a Tiyimbi; Mkoma ngene i ku txikhumbuliso txakwe.

Hoseya 12:5 Referans Kwoze

Eksodha 3:15

Se Txizimu txi to kha txona ka Mosi: “U na ya womba ka vanana va ka Israyeli u txi khawe: Mkoma Txizimu txa vatate vanu, Txizimu txa Abrahamu, Txizimu txa Isaake ni Txizimu txa Jakobe txi ni rumile kwanu. Adiya nditina dangu ngu hawa ku si gwitiko, di na va txialakanyiso txangu ka liveleko ni liveleko.”

Isaya 42:8

Ani ngani Mkoma; adiya ditina dangu; wudhumo wangu koko, kha ni na mbi ninga mmwani, hambi kudhumiswa kwangu, kha ni na mbi kuningela ka sithombe so vatwa.

Masalmo 135:13

Mkoma, ditina dako di na pfaliswa kala kupinduka! Mkoma, vathu va na kualakanya ka liveleko ni liveleko!

Genesisi 32:30

Wukhalo wuwa Jakobe a to wu raya ditina daku i Peniyeli, nguko ene a ti khene: “Ani ni wonani ni Txizimu, khohe ni khohe, aniko ni ngadi ni hanya.”

Genesisi 28:16

Jakobe a to wuka ngu ha wukoheni kwakwe e womba tiya: “Kha ditshuri Mkoma a ho ka wukhalo wuwa, aniko ani ni si ti zivi.”

Masalmo 30:4

Embelelani, mi txi dhumisa Mkoma, anu motshe mi mthembako; m'bongeni mi txi huwelela tito, a sawulekile!

Genesisi 35:9

Txizimu txi to humelela kambe ka Jakobe, na ene a txi ta ngu Padhani-Aramu, txi txi mkatekisa.