Hoseya 12:3 - Bhiblia Yo Sawuleka

³ A di ngadi mndani a ñote txizenende txa mwanawe, se ngu mtamo wakwe, ku nga mthangeli, a lwite ni Txizimu.

Hoseya 12:3 Referans Kwoze

Genesisi 25:26

Ngu msana a to huma mnanda wakwe, dianza dakwe di ti ñote txizenende txa Esawu, e raywa ditina daku i Jakobe. Isaake a ti ti ni tanga ya mtxhanu wa magumi ni digumi dimwedo a malembe, mbimo yi Rebheka a nga veleka vanana.

Varoma 9:11

Se, na vanana vava va sinzi kuvelekwa, na kambe va sinzi kuziva ta tinene ni to biha, kufela kutsaniswa kusawula kuwa Txizimu txi nga kumaha ngu kuranda ka txona,

2 Vafumeli 17:18

Ngu mhaka yeto, Mkoma a to henyela Israyeli, e mthavisa masoni kwakwe; kha ka sala ni wammweyo, hahanze ka lihunzu la ka Judha.

2 Vafumeli 17:20

Ngu kumaha keto, Mkoma a to nyenya yotshe mbewu ya ka Israyeli, e va tsindaveta, ni ku va ningela manzani ka vakhozisi, kala kuza e va thavisa masoni kwakwe.

2 Vafumeli 17:23

Kala kuza Mkoma e thavisa Israyeli masoni kwakwe, nga kule a nga nga womba ngu sithumi sakwe, i ku vaprofeti; a tekisilweto Israyeli e tsuliswa Asiriya, emo a manekako kona kala ka ditshiku da nyamsi.

Jeremiya 2:9

Ngu konaho, ni ngadi ni txi na lwa ni nanu, kuwomba Mkoma. Ni vatukulu vanu ni na lwa navo.

Ezekhiyele 7:3

Konkuwa mata magwito txitimwi kwako, nguko ni na rumela txiviti txangu kwako, ni txi ta kulamula madingano ni tinzila tako, kambe ni na kukomba manyala ako otshe.

Ezekhiyele 7:8

Konkuwa, ngu kukuluveta, ni na theketa txiviti txangu txitimwi kwako, txiviti txangu txi nata kwako, ni na kuwukela ngu txiviti txangu, ni kulamula madingano ni tinzila tako, kambe ni na tisa txitimwi kwako otshe manyala ako.

Hoseya 4:1

Engisani dipswi da Mkoma, anu vanana va ka Israyeli, nguko Mkoma a ni kuhenyisana ni vaaki va ditiko, nguko kha ku na ditshuri, hambi wunene, mwendo kuziva Txizimu ha mafuni.

Hoseya 4:9

Ngu toneto, nga ti vaku ngu tona vathu vangu, mphaxeli nene a nga toneto; ni na va tsayisa ngu mhaka ya mahanyelo awe, ni ku vaninga hakela ya mithumo yawe.

Amosi 2:4

Mkoma a womba tiya: Ngu kuhambunyeta kuraru ka Judha ni ka wumune, kha ni na mbi thavisa txitsayiso, nguko va lambile Mlayo wa Mkoma, kambe kha va xayisa sileleto sangu, va ti lekile kukhata, ve xengwa ngu makuhu awe, aawa va nga tsimbila ngu ka wona vatate vawe.

Mika 6:2

Engisani anu mimango dizunga da Mkoma, ni nanu makhato a mtamo a mafu; nguko Mkoma a ni dizunga ni vathu vakwe, se a na thethisana ni Israyeli.