Hoseya 12:12 - Bhiblia Yo Sawuleka

¹² Jakobe a tutumete tithembweni ka Asiriya, se Israyeli a thumile ngu mhaka ya wamsikati, a xayisile sifuyo ngu mhaka ya wamsikati.

Hoseya 12:12 Referans Kwoze

Genesisi 31:41

Ni thumile magumi mambidi a malembe m'tini kwako. Ni kuthumete digumi da malembe ni mune ngu mhaka ya vanana vako va vambidi, ni mtxhanu wa malembe ni dimwedo ngu mhaka ya mtxhambi wako, kambe digumi da sikhati awe u txitxile muholo wangu.

Genesisi 27:43

Konkuwa, mwanangu, ni engise: Khukha, thava, u txi ya ka Labhani ndiyangu, ditikoni ka Harani;

Dhewuteronome 26:5

Sekoko awe u na womba ka Mkoma, Txizimu txako, u txi khawe: “Tate wangu, i ti Muaramu wa mpepeseki, ene a relete ditikoni ka Egipta, a txi ya aka kona, a di ni vathu vavadotho; ngu msana a mahile mfumo wa hombe, wa mtamo, wa vathu votala.

Genesisi 30:26

Ni ninge vasikati vangu, ava ni nga va thumela kwako, ni vanana vangu, ni txi tsula, nguko awe wa yi ziva mithumo yangu.”

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

Hoseya 6:8

Gileyadhi didhoropa da vale va mahako wubihi, di tate ngu mnoha.