Hoseya 12:10 - Bhiblia Yo Sawuleka

¹⁰ Se ni na womba-womba ka vaprofeti, ni engetela siwoniso, kambe ngu ka mthumo wa vaprofeti, ni na va komba ngu sifananiso.

Hoseya 12:10 Referans Kwoze

2 Vafumeli 17:13

Se Mkoma a to wukela Israyeli ni Judha, ngu dipswi da votshe vaprofeti, ni votshe vahuti, a txi khene: Hundulukani ka tinzila tanu to biha, mi vekisa milayo yangu ni sileleto sangu, madingano ni Milayo yotshe ni nga ninga vatate vanu, kambe ni nga rumela kwanu ngu sithumi sangu, i ku vaprofeti.

Ezekhiyele 20:49

Sekoko ani ni to khani: Yowe! Awe Mkoma Txizimu! Vona va womba tiya ngu ngani: Ina hi nga ene wu wa kuwombetela sifananiso dwe kani?

Joyeli 2:28

Se ku na maheka taku, ni tshakunuta Moya wangu txitimwi ka nyama yotshe, se vanana vanu va majaha ni vamahorana va na phorofeta, sikosana sanu si na va ni miloro, vavaphya vanu va na va ni siwoniso.

Jeremiya 19:1

Mkoma a ti khene: Tsula ka muwumbi u txi ya ti xavela khadi ya dibumba, se u na teka masungukati okari a ditiko ni a vaphaxeli,

Jeremiya 7:25

Kukhukhela ditshiku di vatate vanu va nga khukha ngu dona ditikoni ka Egipta kala kuwa, ditshiku ni ditshiku, i di ngadi mixo, ni rumete kwanu sithumi sangu sotshe, i ku vaprofeti.

2 Vakorinto 12:7

Ni woni siwoniso so xamalisa ngutu; se kasiku ni si ti dhumisi, ni vekilwe m'pa ha mmidini kwangu, i ku txirumwa txa Sathani, atxi txi ni peketelako, kufela ku ni si ti guleti.

2 Vakorinto 12:1

Ta laveka ku ti dhumisa, hambiko ti si faneliko, aniko ni na womba mhaka ya siwoniso ni situletelo sa Mkoma.

Mithumo 2:17

‘Ngu masiku a magwito, kha Txizimu, ni na thela txitimwi ka votshe vathu, Moya wangu; vanana vanu va mazambi ni vamahorana va na profeta, vavaphya vanu va na wona siwoniso; ni sikosana sanu si na lora miloro.

Amosi 7:14

Amosi a xamula ka Amaziya a txi khene: Ani ni si nga mwanana wa m'profeti, mwendo mprofeti, kambe ni ti m'fuyi wa tihomu, ni mphayi wa mikuwu.

Hoseya 3:1

Se Mkoma a to khene kwangu: Tsula kambe, u ya randa wamsikati, digelegele da mngana wako, dile i ku txigango, kufana ni Mkoma a randako vanana va ka Israyeli, hambiko vona va rendekelako ka simwani sizimu, va randako simbwanda sa mauvha.

Jeremiya 25:4

Kambe Mkoma a mi rumete sithumi sakwe sotshe, i ku vaprofeti; aniko anu kha ma engisa, hambi kuhuphuta tinzeve, kuva mi txi tipfa.

Jeremiya 19:10

Sekoko u na faya khadi masoni ka vathu vale va nga ku bangalata,

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

1 Vafumeli 13:1

Wonani ati to ngu kuruma ka Mkoma kutile m'thu wa Txizimu Bheteli ngu Judha; se Jerobhowamu a ti txiluveloni, kasi kuhisa dibaselo.

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Ezekhiyele 17:2

Awe mwanana wa m'thu, maha txidinganiso ka nyumba ya ka Israyeli.

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Levhi 23:42

Amu ka masikuyo a mtxhanu ni mambidi, mi na zumba matendani, votshe vanana va ka Israyeli, va fanete kuzumba amu matendani.

Hoseya 13:4

Hambi keto, ani ngani Mkoma, Txizimu txako, kukhukhela ditikoni ka Egipta; ngukonaho, khu na mbi ziva tximwani txizimu hahanze kwangu, nguko kha ku na Muhanyisi, na i si ngani.