Hoseya 12:1 - Bhiblia Yo Sawuleka

¹ Efrayime a ti dyisa ngu moya, kambe a londeta moya wa wutxani: Ditshiku dotshe a andisa makuhu ni kuhoxota, a maha txitumelelano ni Asiriya, se mtona wa kona wu yiswa Egipta.

Hoseya 12:1 Referans Kwoze

Hoseya 11:12

Efrayime ani randete ngu makuhu, ni nyumba ya ka Israyeli ngu wukanganyisi; kambe Judha a ngadi a txi fuma ni Txizimu kumweko ni Msawuleki wo thembeka.

Hoseya 8:7

Nguko va phayile mimoya, se va na funyela singulu, kha ku na thembwe; fulaho kha yi na mbi veleka mafaka; kambe ngako yi txi veleka mafaka, ona ma na dyiwa ngu vamatiko.

Hoseya 5:13

Ngako Efrayime a di woni malwati akwe ni Judha txilonda txakwe, Efrayime a to kweletela eya Asiriya, se e rumela mtumi ka mfumeli Jerebhi; Kambe ene kha na mbi sikota ku mi kalamukisa ni kuholisa silonda sanu.

Ezekhiyele 17:10

Ina wu txi phaywa wu na humelela kani? Ina wu txi pekwa ngu moya wa wutxani kha wu na mbi oma kani? Wu na oma kukhukhela mabambe ka mule wu nga phaywa kona.

Jeremiya 22:22

Vadyisi vako va na huhiswa ngu moya, ni va vo randeka kwako va yiswa wukhumbini; sekoko u na koyo tingana, u dhungeka msungo ngu mhaka ya wubihi wako.

Jobe 15:2

Ina txhari yi nga dhuka yi ninga xamulo ngu wuzivi wa moya kani? Niku yi nga tata mrumbu wa yona ngu moya wa wutxani kani?

2 Vafumeli 15:19

Sekoko ku to humelela Puli, mfumeli wa Asiriya e lwisa ditiko; se Menayemi a to ningela ka Puli 1.000 wa titalenta ta silivhela, kasi ku dianza dakwe di txi mtsanisa, ni kutsanisa mfumo manzani kwakwe.

Genesisi 41:6

Aniko msana keto, a to wona yimwani mihumbo ya kuwuniswa ni kuhiswa ngu moya wa wutxani, yi txi mila ngu msana ka yile yo khata.

Jeremiya 2:36

Ngu kutxani u kuluvetako kujika, u txitxa nzila yako kani? U engeta u xowokiswa ngu Egipta, ngako u nga wiswa tingana ngu Asiriya.

Jeremiya 7:15

Ni na mi tutumisa masoni kwangu, ngako ni hinganako ni ti tutumisile tindiyanu totshe, lihunzu lotshe la ka Israyeli.

Sidilo 5:6

Athu hi ti ningete ka Vaegipta ni Vasiriya, kasi kuva txi hi vhuna ngu sakudya so enela.

Hoseya 4:19

Txihuhuri txi va fenengetile ngu tibhapi ta txona, kambe va nawa tingana ngu mhaka ya miphaxo yawe.

Hoseya 7:11

Nguko Efrayime a fana ni txituvani txo divala, txa kwa mbi na mapimo; va dhana Vaegipta, veya Asiriya.

2 Makronika 21:11

A to maha makhalo o guleka amu mimangoni ka va ka Judha, a kujetela vathu va Jerusalema kuva txi onha ni va ka Judha e va yisa ka toneto.

Masalmo 78:36

Aniko makungo a sisofu sawe i ti a makuhu; totshe ti va nga ti womba ti ti si nga ni ditshuri.

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

Hoseya 7:1

Mbimo yile ani ni nga kalamukisa Israyeli, se ku tumbutwe wubihi wa Efrayime, kufana ni wubihi wa Samariya, nguko va mahile ta makuhu, se dikhamba di wulela, kambe mtxawa wa sigevenga wu txipa kheno hahanze.

Hoseya 11:9

Na mbi londetela ta kupanda ka kuhenya kwangu; kha ni na mbi wuya ku ta hoxota Efrayime, nguko ani ni Txizimu, kha ni nga m'thu, Msawuleki hagari kwako; ani kha ni na mbi wulela didhoropani.