Hoseya 11:5 - Bhiblia Yo Sawuleka

⁵ Kha va na mbi tshumelela ditikoni ka Egipta, kambe Asiriya a na va mfumeli wawe; nguko va lamba kuhunduluka.

Hoseya 11:5 Referans Kwoze

Hoseya 7:16

Vona va wuya, kambe kha va wuyeli Nyatxitimwi. Va ti mahile kufana ni wulaho wo kanganyisa; vathangeli vawe va dawa ngu ditxhari, ngu mhaka ya wulala wa lidimi lawe; atiya ti nava txisekiso ditikoni ka Egipta.

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.

Hoseya 10:6

Nene Asiriya a na tekwa ku nga txiningo ka mfumeli Jerebhi; Efrayime a na vhilinganyeka, se Israyeli a nawa tingana ngu mhaka ya milayo yakwe apune.

Hoseya 9:3

Ka ditiko da Mkoma kha mi na mbi zumba; kambe Efrayime a na tshumelela Egipta, ni Asiriya va na dya sakudya sa manyala.

Amosi 5:27

Aniko, na mi tshutisa wukhumbini na i si nga Dhamasku, Kuwomba Mkoma, a wu ditina dakwe i ku Txizimu txa Mabutho a Tiyimbi.

Amosi 4:6

Ngu mhaka ya eto ni mi ningile kubasiswa ka makwasa, ka otshe madhoropa anu, ni kupwateka ka dipawu, ka otshe makhalo yanu; hambi keto, kha ma hundulukela kwanu, kuwomba Mkoma.

Hoseya 9:6

Nguko wona taku vona va tsute ngu mhaka yo hoxotwa, kambe Egipta a na va amukela, Menfisi a na va tshotsha; kunavela ka silivhela yawe ku na fenengetwa ngu maxexwe, ni mipa yi na mila matendani kwawe.

Hoseya 6:1

Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu.

Hoseya 5:13

Ngako Efrayime a di woni malwati akwe ni Judha txilonda txakwe, Efrayime a to kweletela eya Asiriya, se e rumela mtumi ka mfumeli Jerebhi; Kambe ene kha na mbi sikota ku mi kalamukisa ni kuholisa silonda sanu.

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

2 Vafumeli 15:19

Sekoko ku to humelela Puli, mfumeli wa Asiriya e lwisa ditiko; se Menayemi a to ningela ka Puli 1.000 wa titalenta ta silivhela, kasi ku dianza dakwe di txi mtsanisa, ni kutsanisa mfumo manzani kwakwe.

Dhewuteronome 17:16

Kambe mfumeliyo kha kulaveki ku eva ni mahantxhi o tala, hambi kukurumeta vathu ve tshumelela Egipta kasi kuya mana mahantxhi o tala; nguko Mkoma a ti khene: Kha mi na mbi tsimbila kambe ngu yona nzila yiya.

Amosi 4:11

Vamwani kwanu ni va fuvisile ku nga Txizimu txi nga fuvisa Sodhoma ni Gomora, mi sate ku nga likhuni lo thaviswa ka wuhya: Hambi keto mi ka hunduluka kwangu, kuwombile Mkoma.