Hoseya 11:4 - Bhiblia Yo Sawuleka

⁴ Ni va ndindete kwangu ngu majoke a wuthu, ngu majoke a lirando; se ni tsute kwawe kufana ni va va thavisako dikange ka tithamo tawe, kambe ni va ningile sakudya.

Hoseya 11:4 Referans Kwoze

Johani 12:32

Se nani, mbimo yi ni no va ni di guletilwe txitimwi ka mafu, ni na ndindela votshe vathu va txi ta kwangu.”

Levhi 26:13

Ani ngani Mkoma, Txizimu txanu, ni nga mi humisa ditikoni ka Vaegipta, kasi ku mi si vi tikhumbi tawe; se ni fiunyile makhodha a mrwalo wanu, ni txi mi maha mi tsimbila mi di lulamile.

2 Vakorinto 5:14

Lirando la Kristu la hi kurumeta, ngako hi txi pimisa ti to m'thu wammweyo a fete votshe, se ti di ngeto, votshe va fite.

Hoseya 2:8

Ene koko, kha tizivi ti to ani ni mnigile sakudya, ni dosi, ni mafura, kambe ni muengetete silivhela ni nzalama, sile va nga maha ngu sona txithombe txa Bhahali.

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Ndando ya Tindando 1:4

Awe ni teke, hi na tutuma, hi kulondetela. Mfumeli a ni wuletile tinyumbani kwakwe. Hi na tsaka ngutu kwako, kambe hi na kutsakela; hi na alakanya lirando lako, kupinda vhinya; vo lulama va kuranda.

Masalmo 105:40

Va to txi kombela, txi txi va ninga titshukwa; txi va khurisa ngu m'baba wa nzumani.

2 Samuwele 7:14

Ani ni na va tate wakwe, se ene a na va mwanana wangu; ngako a txo ndaka mlayo, ni na mtsayisa ngu ndonga ya vathu ni txisephu txa vanana va vathu.

Eksodha 16:32

Se Mosi a ti khene: “Mkoma a leletete ti to mi na tata homeri yimweyo ngu manna, mi txi yi veketa, kasiku tiveleko tanu, ti ta wona sakudya si ni nga mi wunja ngu sona txiwulani, msana ka ku ni nga mi humisa ditikoni ka Egipta.”

Dhewuteronome 32:12

kufana ni toneto, Mkoma ngene ekha a nga mtsimbitisa, ku ti si nga ho tximwani Txizimu kumweko nayo.

Dhewuteronome 32:14

bhotela ya tihomu ta mikati ni masi a mtxhambi, ni mafura a sinvutana ni sihambana, sa kuta ngu Bhasani, ni a vamabhongwe, ni mafura a mpupu wa wunene wa fulaho; kambe u sete mnoha wa mauvha, i ku vhinya ya yinene.