Hoseya 11:2 - Bhiblia Yo Sawuleka

² Kambe ngako ni txi va dhana vona va ti nitshuralela; va ti ti phaxela ka va ka bhahali, ve hisela dibaselo sithombe so vatwa.

Hoseya 11:2 Referans Kwoze

Hoseya 2:13

Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.

Jeremiya 18:15

Nguko vathu vangu va ni divate, va hisile dibaso ka sifananiso. Si va humbile tinzilani kwawe, amu ka mapfhela a kale. Kuva ve wekelela ka nzila yo timeta, ya kwa mbi dhodwa.

Isaya 65:7

sionho sanu, kumweko ni sionho sa vatate vanu, kuwomba Mkoma, avale va nga hisa dibaselo mimangoni, ni ku ni ruketela simangwanani; ngu mhaka yeto, ni na tshumela ni va pimela mithumo yawe ya kale, masoni kwawe.

Hoseya 11:7

Nguko vathu vangu va wekelela ku ni leka, hambiko va dhanako Nyatxitimwi, kha ngaho kwawe a m'guletako.

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Johani 3:19

Txigelo txa kuabaniswa ngu txiya: Kuwonekela kutile ha mafuni, aniko vathu va randile ngutu txidema kupinda kuwonekela, nguko mithumo yawe i ti yo biha.

Luka 13:34

Jerusalema, Jerusalema, awe u dayako vaprofeti, u txi va balisela ngu marigwi ava va nga rumwa kwako, nzikhati singani, ni nga lava kusengeleta vanana vako, nga khukhu yi fundamelako sisondo sa yona hahatshi ka mabhapi a yona, kambe khwa ti lava.

Zakariya 7:11

Sekoko vona kha va lava kuengisa, va to ni komba makata o ni nyenya, ve tsiva ni tinzeve tawe, kasi ku va si engisi.

Jeremiya 35:13

Mkoma wa Mabutho a Tiyimbi, Txizimu txa ka Israyeli, a khene: Tsula u txi ya va gela vathu va va ka Judha, ni vaaki va Jerusalema, u txi khawe: Ina kha mi na mbiswa mi amukela gondo ngu kupfa timhaka tangu kani? Kuwomba Mkoma.

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

1 Vafumeli 18:19

Ngu toneto, gela votshe vathu va ka Israyeli ve tshangana ni nani mmangoni ka Karmeli, kumweko ni 450 wa vaprofeti va Bhahali, ni 400 wa vaprofeti va Aseri, va dyiswako ngu mfumeli wa txisikati Jezabheli.

1 Vafumeli 12:33

Se a to maha miningelo ka txiluvelo txi a nga txi aka Bheteli, ngu ditshiku da digumi ni mtxhanu, ka mtxima wa wutxhanu ni yiraru, ka dilembe dile a nga ti di pimisile mbiluni kwakwe, se a to mahela m'buso vanana va ka Israyeli, ni miningelo txiluveloni, a txi hisa dibaselo.

Valamuli 10:6

Sekoko vanana va ka Israyeli va to khateta kambe kumahetela kubiha masoni ka Mkoma. Se va to thumela Vabhahali, ni Vaastarote, ni sizimu sa Vasiriya, ni sizimu sa Vasidhoni, ni sizimu sa Vamowabhi, ni sizimu sa Vaamoni, ni sizimu sa Vafilista, kambe va to tshuralela Mkoma, va si mkhozeli.

Valamuli 3:7

Se vanana va ka Israyeli va to maha kubiha masoni ka Mkoma, ve divala Mkoma, Txizimu txawe, aniko ve thumela Vabhahali ni Asterote.

Valamuli 2:13

Nguko va lekile Mkoma, se ve thumela Bhahali ni Axitaroti.

Zakariya 1:4

Mi nga mahiseni kufana ni vatate vanu, avale vaprofeti vo khata va nga womba-womba kwawe, va txi kha vona: Mkoma wa Mabutho a Tiyimbi a khene: Hundulukani konkuwa ka tinzila tanu to biha, ni ka mithumo yanu yo biha. Aniko kha va ni engisa, hambi ku ni pfisisa, kuwomba Mkoma.

Hoseya 4:13

Va phaxela titshokani ka mimango, ve hisa dibaselo txitimwi ka simangwana, hahatshi ka mikusu, ni ka mindonga yo tala ngu matshokoro a mitsudi yo tshamba; ngu toneto, mahorana anu ma geleza, ni va mamanyani vanu va maha wugango.

Jeremiya 44:5

Aniko vona kha va engisa, kha va namisa tinzeve tawe, ku va ve huma ka wubihi wawe, kasi va si hiseli miphaxo sizimu sa walo.

Hoseya 4:17

Efrayime a ningetwe ka sithombe; mlekeni.