Hoseya 11:11 - Bhiblia Yo Sawuleka

¹¹ Va nata va txi dhudhumela ku nga txinyana, va Egipta, ni ku nga txituvani va ditiko da Asiriya, kambe ni na va maha ve zumba tinyumbani kwawe, kuwomba Mkoma.

Hoseya 11:11 Referans Kwoze

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Isaya 60:8

Mbamani vale vatako ngu kupuruma nga marefu, ni ku nga situvani ka mafasitela a sona kani?

Zakariya 10:10

Nguko ni na va wuyisa ngu ditikoni ka Egipta, ni va sengeleta ngu Asiriya; ni va tisa ka ditiko da Gileyadhi ni da Libhanoni, kambe kha ku na mbi maneka wukhalo wo va lumba.

Hoseya 7:11

Nguko Efrayime a fana ni txituvani txo divala, txa kwa mbi na mapimo; va dhana Vaegipta, veya Asiriya.

Obhadhiya 1:17

Kambe mmangoni ka Siyoni ku nava ni vahuluki, se mmango wu na va wo sawuleka; va nyumba ya ka Jakobe va na teka tithomba tawe.

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Ezekhiyele 37:25

Va na zumba ka ditiko dile ni nga ninga txithumi txangu Jakobe, emo va nga ti zumbile kona vatate vanu; se va na zumba ka dona, vona ni vanana vawe, ni vatukulu vawe, yotshe mbimo; kambe txithumi txangu Dhavhidha a na va mthangeli wawe, ngu ha ku si gwitiko.

Ezekhiyele 37:21

Va gele koko ku khawe: Mkoma Txizimu a khene: Wonani taku ni na teka vanana va ka Israyeli hagari ka matiko ale va nga ya ka ona, ni txi va sengeleta ngu ka otshe madhawa, ni txi va heleketa ditikoni kwawe.

Jeremiya 31:12

Vanata va txi embelela ngu litsako aniya mmangoni ka Siyoni, ve tutumela wunene wa Mkoma, amu ka fulaho, ni vhinya, ni mafura, amu ka tihambana ni marole, dihika dawe di na fana ni thembwe yi yi nga nakaniswa, kha va na mbiswa ve dhindirika.

Ezekhiyele 34:27

Se mindonga ya txitinga yi na ninga mihando ya yona, ni mafu ma na humisa sasiphya, ti nava ti di tsani ditikoni ka tona; se va na tiziva taku ani ngani Mkoma, mbimo yile ni no funya tindonga ta dikange da tona, ni txi ti txhatxhisa manzani ka vale va nga ti ti thuma kuranda ngu tona.

Ezekhiyele 34:28

Kha ti na mbi ngadi ti ñolwa kambe ngu vamatiko, ni sihari sa tshofu sa mafu kha si na mbi ngadi si txi ti dya kambe; ti na zumba ti di tsani, kambe kha ku na mbi va ni wo ti dhukisa.

Zakariya 8:7

A womba tiya Mkoma wa Mabutho a Tiyimbi: Wona taku ni na hanyisa vathu vangu, va ditiko da Wutxani ni va ditiko da mswa ditambo;

Zakariya 8:8

se ni na va wuyisa ve ta zumba hagari ka Jerusalema; va na va vathu vangu, aniko ani ni na va Txizimu txawe, ngu ditshuri ni kululama.