Hoseya 11:1 - Bhiblia Yo Sawuleka

¹ Mbimo yile Israyeli i nga ti ti mfana, ani ni mrandile; se ni dhani mwanana wangu e huma ngu Egipta.

Hoseya 11:1 Referans Kwoze

Matewu 2:15

A ti ya zumba koneyo kala efa Herodha, kasi kutatiseka ati Mkoma a nga womba ngu txisofu txa mprofeti, a nga khene: “Ni dhani Mwanana wangu e huma ngu Egipta.”

Eksodha 4:22

Sekoko u na ya gela Faro u txi khawe: Mkoma a womba tiya: Mwanana wangu wa matiwula ngu Israyeli.

Hoseya 13:4

Hambi keto, ani ngani Mkoma, Txizimu txako, kukhukhela ditikoni ka Egipta; ngukonaho, khu na mbi ziva tximwani txizimu hahanze kwangu, nguko kha ku na Muhanyisi, na i si ngani.

Hoseya 2:15

“Ni na mninga mivhinya yakwe koneyo, ni mkova wa Akori, si maha txike txa kuthemba; se koneyo a na embelela kufana ni masiku a wuhorana wakwe, ni ku nga ditshiku dile a nga huma ngu ditikoni ka Egipta.”

Jeremiya 2:2

Tsula, kwangula tinzeveni ka Jerusalema, u txi khawe: Mkoma a khene: “Na alakanya wunene wa wuphya wako, Ni lirando lako mbimo yi u nga wutwa ngu yona; mbimo yile u nga ti ni londetela txiwulani, Ka ditiko di ku nga sa phaywa txilo

Malakiya 1:2

Ani ni mi randile, kuwomba Mkoma: Aniko anu mi khanu: U komba ngu txani ti to u hi randile kani? Ina Esawu hi nga mwanawe wa Jakobe kani? Kuwomba Mkoma; hambi keto ni randile Jakobe,

Hoseya 12:13

Se Mkoma ngu nzila ya mprofeti, a humisile Israyeli ngu Egipta, kambe a xayisilwe ngu mprofeti.

Ezekhiyele 16:6

Se ni to pinda ngu hafuhi ni nawe, ni kuwona u di nyete ngu mnoha, ni nje khani kwako: Hambiko u ku mnohani kwako, wa hanya; ina, nguko ni khani: Hambiko u ku mnohani kwako, wa hanya.

Dhewuteronome 7:7

“Mkoma kha mi randa ni ku mi sawula, ngu mhaka ya kutala ka dibutho danu kupinda a votshe vamwani vathu, nguko anu mi ti ti vadotho ngu mtengo hagari ka votshe vathu vale vamwani.

Hoseya 12:9

Aniko ani ngani Mkoma, Txizimu txako, kukhukhela ditikoni ka Egipta; ani ni ngadi ni txi na ku zumbisa matendani, kufana ni masiku a mitshangano ya kudikha.

Eksodha 4:23

Ani ni kugete ti to khani: Leka mwanana wangu wa matiwula a txi tsula, kasiku a txi ya ni thumela! Aniko ngako u txi lamba ku mleka a txi tsula, ani ni na daya mwanana wako wa matiwula.

Masalmo 129:1

Sikhati sasingi va ni xanisile kukhukhela ka wuphya wangu a na wombe konkuwa Israyeli.

Jeremiya 12:7

Ni tutumile Dithepele dangu, ni site thomba yangu; ni ningete txirandwa txangu manzani ka valala va txona.

Hoseya 10:15

A na mi maha toneto Bheteli, ngu mhaka ya wubihi wanu; mfumeli wa Israyeli, ngu mabimbi-kutxa, a na hoxotwa do gwita.

Eksodha 19:4

“Mi ti woni ati ni nga ti maha ka Vaegipta ni ti ni nga mi gulisa tona ngu txitimwi ka mabhapi a ngungwa, ni txi mi tisa kala kona hawa kwangu.

Dhewuteronome 33:3

Ene wa randa vathu vakwe, votshe vasawuleki vakwe va manzani kwakwe; vona va khizama mikondoni kwako, va txi engisela mapswi ako.

Isaya 43:4

Ngako u nga randeka masoni kwangu, kambe u dhundekile, se ani ni ku randile, niza ni ningela vathu ngu mhaka yako, ni ningela matiko kasi ku kuhanyisa.

Ezekhiyele 16:22

Se ka otshe manyala ako, ni ka wugelegele wako, khwa alakanya masiku a wuphya wako, mbimo yile u nga ti ti tximbwiri, u sa fenengela txilo, na u di nyetisetwe ngu mnoha wako.