Hoseya 10:6 - Bhiblia Yo Sawuleka

⁶ Nene Asiriya a na tekwa ku nga txiningo ka mfumeli Jerebhi; Efrayime a na vhilinganyeka, se Israyeli a nawa tingana ngu mhaka ya milayo yakwe apune.

Hoseya 10:6 Referans Kwoze

Hoseya 5:13

Ngako Efrayime a di woni malwati akwe ni Judha txilonda txakwe, Efrayime a to kweletela eya Asiriya, se e rumela mtumi ka mfumeli Jerebhi; Kambe ene kha na mbi sikota ku mi kalamukisa ni kuholisa silonda sanu.

Isaya 30:3

Nguko mtamo wa Faro, wu na mi thela tingana, ni kuthemba mtsudi wa Egipta, ku na mi wusela pfilu-pfilu.

Dhaniyeli 11:8

Se sizimu sawe, ni sithombe sawe sasingi, ni siya sawe sa lisima, sa silivhela ni sa nzalama, a na si teka e si yisa Egipta; se ngu malembe okari, ene kha na mbi tsana kuwukela mfumeli wa Wuphemba.

Jeremiya 7:24

Aniko kha va engisa hambi ku riya tinzeve; se va to tsula makungoni kwawe ni mu ka kubanga ka timbilu tawe to biha, va to tshumelela msana, kha vaya masoni.

Mika 6:16

Nguko mi txi xayisa sileleto sa Omiri, ni yotshe mithumo ya nyumba ya Akabhi, ni nanu mi tsimbila ka milayo yawe; kasiku ani ni kumaha dirumbi, ni vahanyi vako ve va mloti; ngu kumaha keto mi na wuyisa txiruko txa vathu vangu txitimwi kwanu.

Hoseya 8:6

Nguko edo ngu dona dirole do mahwa ngu Israyeli; mtshuli a ngadi maha, hi nga Txizimu. Aniko dirole da Samariya di na funyetelwa di maha sihwika.

Hoseya 4:19

Txihuhuri txi va fenengetile ngu tibhapi ta txona, kambe va nawa tingana ngu mhaka ya miphaxo yawe.

Hoseya 4:7

Nga ha vona va nga anda, ni ku ni onhela kwakwe nga kungi; ani ni na maha kudhundeka kwawe kuva tingana.

Ezekhiyele 36:31

Sekoko mi na alakanya tinzila tanu to biha, ni simaho sanu si nga mbi va sa sinene; mi na ti laya ngu wubihi wanu, ni manyala a kona anu.

Jeremiya 48:13

Mowabhi a nave ni tingana ngu Kemosi, nga kule nyumba ya ka Israyeli yi nga pfa tingana ngu Bheteli, txithembo txakwe.

Isaya 45:16

Va nawa tingana, kambe va na kanganyiseka votshe; va nawa kumweko vale va mahako sithombe.

Isaya 1:29

Nguko mi na wa tingana ngu mhaka ya mikusu yile mi nga yi navela, mi na wiswa tingana ngu mhaka ya tithembwe tile mi nga ti sawula.

Jobe 18:7

Mazambo akwe o tsana ma na koma, se milayo yakwe yipune yi na mkhundumusa.

2 Vafumeli 17:3

A to lwiswa ngu Salmanaseri, mfumeli wa Asiriya, se Hoseya a to maha khumbi yakwe, ni ku mluva.

Ezekhiyele 16:28

Kambe u mahile wugelegele ni vanana va majaha a Asiriya, nguko u ti si khuri; hambiko u nga maha navo wugelegele khwa kolwa;