Hoseya 10:5 - Bhiblia Yo Sawuleka

⁵ Vahanyi va Samariya va dhuswa ngu dirole da Bheti-Avheni, ngu kumaha keto, vathu va kona va na tilaya ngu mhaka yakwe, kufana ni vaphaxeli vawe (va nga ti tsaka ngu dona), se ngu mhaka ya wudhumo wu nga khukha ka dona.

Hoseya 10:5 Referans Kwoze

Hoseya 9:11

Ka Efrayime, wudhumo wakwe wu na puruma ku nga txinyana; kha ku na mbi va ni liveleko, kha ku na mbi va ni vanana, hambi sirumbu.

Hoseya 5:8

Vetani dikhombela kona Gibheya, ni mpundu kona Rama; kwangulani ngutu kona Bheti-Avheni; Ti wonele msana kwako awe Bhenjamini.

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

2 Vafumeli 23:5

Kambe a papaxile votshe vaphaxeli vale va nga ti vekilwe ngu vafumeli va ka Judha, kuva ve hisa dibaselo siluveloni ka madhoropa a ka Judha, ni mabambe ka Jerusalema, kumweko ni votshe vale va nga ti ti hisa dibaselo ka Bhahali, ka ditambo, ka mtxima, ni ka simwani siwumbwa sa ditiko, ni ka dotshe dibutho da nzumani.

Hoseya 13:2

Se konkuwa va engetete sionho, ngu silivhela yawe va mahile txifananiso txo tshulwa, i ku sithombe madingano ni wutxhari wawe, sotshe mithumo ya mtshuli, va ku kha vona ngu sona: Vathu vale vaphaxako va nyunta marole.

Mithumo 19:27

Sekoko, hi nga wona mthumo wu wathu dwe wu no va ni dikhombo do poyilelwa, aniko hambi dithepele da Artemi, i ku txizimu txa hombe txa wamsikati, ni dona di na poyilelwa: Se wuzimu wa wule a khozelwako ngu dotshe ditiko da Aziya ni otshe mamwani matiko, wu ndi na hinduka wu txi va i si nga wa txilo.”

Zefaniya 1:4

Se ni na nawuluta dianza dangu txitimwi ka Judha, ni txitimwi ka votshe vaaki va Jerusalema; ni na fuvisa ka wukhalo wuwa miboti ya Bhahali, ni matina a vale va thumelako sithombe, ni vaphaxeli;

2 Makronika 11:15

Se Robhowamu a to ti sawulela vaphaxeli vakwe e va veka mimangoni, ni va madhimoni, ni marole ale a nga ma wumba.

2 Vafumeli 17:16

Se va to leka yotshe milayo ya Mkoma, Txizimu txawe, ve maha sithombe so tshulwa sa marole mambidi; kambe va to maha txithungulu txo vatwa, ni ku khizamela dotshe dibutho da nzumani, ve thumela Bhahali.

2 Vafumeli 10:29

Kambe Jehu kha huluka kuonha nga tile a nga maha Jerobhowamu, mwana Nabhote, a nga za e onhisa Israyeli, ngu marole a silivhela, ma nga txi maneka Bheteli ni Dhani.

Valamuli 18:24

Sekoko ene a to kha ene: “Mi ni tekete sizimu sangu, asi ni nga ti khandela mi tsula naso, kumweko ni mphaxeli; nji txani txi nga ni salela kambe konkuwa kani? Mi ni wotisisa kutxani taku: Njitani u ku natxo kani?”

Joxuwa 7:2

Joxuwa koko a di Jeriko, a to rumela vavamna vokari va txi ya Ayi, ku ku hafuhi ni Bheti-Avheni, ngu didhawa da wutxani ka Bheteli, a txi va gela tiya: “Tsulani mi txi ya xola ditiko.” Vavamna vale koko, va to tsula kuya xola ditiko da Ayi.

2 Makronika 13:8

Konkuwa mi pimisa ti to mi na mana mtamo ka wukoma wa Mkoma, awu u ku diwokoni da vanana va Dhavhidha; anu mi vathu votala ngutu, nakona, mi ni marole a nzalama awa Jerobhowamu a nga mi mahela kasiku si va sizimu sanu.

Isaya 46:2

Si namile kumweko, si txiwa; kha sa sikota ku tihulukisa ka mrwalo, aniko moya wa sona wu wulete wukhumbini.

Hoseya 9:1

U nga tsake, awe Israyeli, u tshumela u ndaka-ndaka, kufana ni vathu; nguko u lekile Txizimu txako kufana ni digelegele; U randile kuholelwa ngu otshe mathala a fulaho.

Amosi 3:14

Ditshiku di ni no tsayisa Israyeli ngu kundaka kwakwe mlayo, ni na tsayisa txiluvelo txa Bheteli; se titxheho ta txiluvelo ti na wilwa ti wela hahatshi.