Hoseya 10:3 - Bhiblia Yo Sawuleka

³ Kha ditshuri, konkuwa va na kha vona: Kha hi na mfumeli, nguko kha hi thavi Mkoma; A di na hi mahela txani mfumeli kani?

Hoseya 10:3 Referans Kwoze

Hoseya 10:15

A na mi maha toneto Bheteli, ngu mhaka ya wubihi wanu; mfumeli wa Israyeli, ngu mabimbi-kutxa, a na hoxotwa do gwita.

Hoseya 13:11

Ni ku ningile mfumeli ha kupandisekani kwangu, kambe ni ku thavisete kuhenya kwangu.

Hoseya 10:7

Mfumeli wa Samariya a na hoxotwa, kufana ni diphutu txitimwi ka mati.

Johani 19:15

Kambe vona va to khata kukwangula, va txi kha vona: “A na fe! A na fe! Mu bethele ha txihambanoni!” Konaho Pilato a to khene: “Ni na bethela ha txihambanoni mfumeli wanu kani?” Aniko vaphaxeli va hombe va to xamula, va txi kha vona: “Athu kha hi nga ni mmwani mfumeli, hahanze ka Khezari.”

Mika 4:9

Se ngu kutxani u dilako ngutu kani? Ina kha nga ho mfumeli kwako kani? Ina di to fa didhota dako kani? Mwendo u to manwa ngu kupanda ko nga ka wamsikati wu a lumwako kani?

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Hoseya 11:5

Kha va na mbi tshumelela ditikoni ka Egipta, kambe Asiriya a na va mfumeli wawe; nguko va lamba kuhunduluka.

1 Samuwele 12:25

Kambe ngako mi txi ya masoni ngu kumaha to biha, anu ni mfumeli wanu mi na lova.

Masalmo 12:4

va txi kha vona: “Hi na xula ngu mapswi athu; kuwombawomba ha sikota. I mani a no hi xula kani?”

Isaya 5:19

Va txi kha vona: A na kuluvete e heta mthumo wakwe, kasi ku hi wu wona; wu nate wudhota wa Msawuleki wa Israyeli, kasi ku hi na wuziva!

2 Vafumeli 15:13

Salumi mwana Jabhe, a khatile kufuma ngu dilembe da magumi mararu ni mtxhanu wa malembe ni mune a kufuma ka Uziya, mfumeli wa ka Judha; se a to fuma mtxima wumwewo.

Masalmo 118:9

ndinene ngutu kuthemba Mkoma kupinda kuthemba vathangeli va mtamo.

Hoseya 13:10

A hayi konkuwa mfumeli wako, kasi ku e kuxayisa, ka otshe madhoropa ako kani? Se valamuli vako ava ngu vona u nga khawe: Ni ninge mfumeli ni vathangeli kani?