Hoseya 10:2 - Bhiblia Yo Sawuleka

² Timbilu tawe ti abanekile; ngu kumaha keto, va na va ni mnandu; a na wilela siluvelo sawe, e khundumusa ni sifananiso sawe so wumbwa.

Hoseya 10:2 Referans Kwoze

Mika 5:13

ni na thavisela hagari kwako sithombe sako so vatwa ni so wubwa; se awe khu na mbi ngadi u khizama kambe masoni ka mithumo ya manza ako.

1 Vafumeli 18:21

Sekoko, Elija a to tshuketa hafuhi ka votshe vathu a txi khene: Mi na khwita hagari ka mipimiso yimbidi kala yihi mbimo kani? Ngako Mkoma i di Txizimu mlondiseleni; ni loku i di Bhahali, mlondiseleni. Hambi keto, vathu kha va mxamula txilo.

Jakobe 4:4

Vanyawugangonu, kha mi tizivi ti to wungana ni ditiko mbulala ka Txizimu, kani? Ngu toneto, awu a lavako wungana ni ditiko, i mlala wa Txizimu.

Jakobe 1:8

Nguko, eyo i m'thu wa mipimiso yimbidi, wa kana-kana ka totshe tinzila takwe.

Zefaniya 1:5

ni va va khizamelako dibutho da nzuma va di txitimwi ka tinyumba; ni vale va namako ve xambanya ka Mkoma, ni kuxambanya ngu Malikami;

Luka 16:13

“A walo wu a sikotako kuthumela vakoma vambidi: Nguko mwendo a na nyenya mmweyo, a txi randa mmwani; mwendo a na namarela ka mmweyo, a txi kanyisa mmwani. Kha mi na kusikota kuthumela Txizimu ni tithomba ta mafu.”

Matewu 6:24

“Ku walo m'thu wu a sikotako kuthumela vakoma vambidi, nguko mwendo a na vengela mmweyo e dhunda mmwani, mwendo a na namarela ka mmweyo e kanyisa mmwani. Kha mi na kusikota kuthumela Txizimu ni thomba ya mafu.”

Zakariya 13:2

Se ku na maheka ka ditshiku donedo, kuwomba Mkoma wa Mabutho a Tiyimbi, ti to ni thavisa matina a sithombe ha mafuni, kha va na mbi ngadi ve si alakanya kambe; niku ni tovela vaprofeti, ni moya wa kwa mbi sawuleka ha ditikoni.

Hoseya 13:16

Samariya a na maha txiwula, nguko a wukete Txizimu txakwe; Va na dawa ngu ditxhari, vanana vawe va na phatulelwa, se vasikati vawe va sirumbu va na bhandiswa ngu hagari.

Hoseya 7:8

Efrayime a ti pata ni vathu vamwani; Efrayime tximbwanda txa kwa mbi phinduketwa.

Jeremiya 43:13

A na khundumusela tiphande ta Bheti-Xemexe ka ditiko da Egipta, a txi hisa tinyumba ta sizimu sa Vaegipta.

Isaya 44:18

Kha va zivi txilo, hambi kupfisisa txilo; nguko va vhalekile maso, kasi ku va si woni, ni mbilu kasi ku va si pimi txilo.

1 Samuwele 5:4

Se magwanani ka kona, va ka Asidhodhe va to wuka kambe ni mabimbi-kutxa, ve wona Dhadoni a di wite hahatshi ngu khohe, masoni ka dibhokiso da Txizimu; se msungo wa Dhagoni ni manza akwe a mambidi, ma ti witwe txitimwi ka mtshunzuti; kusala dwe mmidi wa Dhagoni.

1 Johani 2:15

Mi nga randeni ditiko, hambi ni si si ku ha mafuni. Awu a randako mafu, lirando lo randa Tate kha li nga ho kwakwe.

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.

Hoseya 12:11

Ina Gileyadhi hi nga ene wubihi kani? Vona kha va vhuni txilo ngu ditshuri; Kona Giligali va daya tihomu; siluvelo sawe si fana ni mimumbu ya marigwi, madhawani ka tithembwe.

Eksodha 23:24

U nga khizame masoni ka sizimu sawe, kambe u nga si khozele, hambi kumaha mikhuwo yawe; aniko u na si khundumusela sotshe sithombe sawe.

Levhi 26:30

Ni na haxulela makhalo anu o guleka, ni txi fayetela sithombe sanu sa ditambo, se ni na tshotsha sirumbi sanu txitimwi ka sirumbi sa sithombe sa sizimu sanu; moya wangu wu na karala ngu nganu.

Mavingu 11:18

Muonhi a amukela hakhelo ya wukanganyisi, aniko ka wule a phayako wululamo, ku nava ni hakhelo ya yinene.

Ezekhiyele 14:5

kasi kuñola nyumba ya ka Israyeli mbiluni kwakwe, va to tsula kule ni nani, ve londeta sithombe sawe.