Hoseya 10:13 - Bhiblia Yo Sawuleka

¹³ Mi dimile manyala, mi funyela wubihi, kambe mi dyite mihando ya makuhu. Nguko u thembile nzila yako, ka mtalo wa tindena tako.

Hoseya 10:13 Referans Kwoze

Jobe 4:8

Ani ni khala kuwona vale va dimako wubihi, ve phaya wubihi ni kutshumela ve elula.

Hoseya 8:7

Nguko va phayile mimoya, se va na funyela singulu, kha ku na thembwe; fulaho kha yi na mbi veleka mafaka; kambe ngako yi txi veleka mafaka, ona ma na dyiwa ngu vamatiko.

Mavingu 22:8

Awule a phayako kubiha, a na elula sixaniso; se ndonga ya kuhenya kwakwe yi na funyelekela.

Mavingu 1:31

Ngu konaho, va na dya mihando ya mahanyelo awe, kambe va na khuriswa ngu sileleto sawe vapune.

Masalmo 33:16

Mfumeli kha hulukiswi ngu mtalo wa mabutho, hambi wamwamna wa ndena kha xuli ngu mtamo wakwe wa hombe.

Hoseya 11:12

Efrayime ani randete ngu makuhu, ni nyumba ya ka Israyeli ngu wukanganyisi; kambe Judha a ngadi a txi fuma ni Txizimu kumweko ni Msawuleki wo thembeka.

Masalmo 62:10

Mi nga thembeni wukhinyavezi, mwendo ku ti kanganyisa ngu sile i ku sa walo. Ngako mi txi wona tithomba tanu ti txi tala, mi nga vekeni timbilu tanu ka tona.

Masalmo 52:7

“Ndiyo m'thu a nga mbi kombela kuvhikelwa ngu Txizimu; a ti themba tithomba takwe ni mithumo yakwe yo biha.”

Hoseya 7:3

Va tsakisa mfumeli ngu wubihi wawe, ni ngu makuhu awe va tsakisa vathangeli.

Ekleziyaste 9:11

Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Mavingu 19:5

Fakazi ya makuhu kha yi na mbi va ni ditshuri; ni wule a wombawombako makuhu, kha na mbi huluka.

Mavingu 12:19

Mapswi a ditshuri ma na zumba yotshe mbimo, aniko mawombawombelo a makuhu, nga mbimo ya yidotho.

Mavingu 13:2

Mmweyo ni mmweyo ngu mihando ya txisofu txakwe, a na dya wunene, aniko moya wa vakanganyisi wu na dya timboyinga.

Isaya 17:11

Ka ditshiku dile u no yi phaya, u na yi bhiyela, se ni mixo mbewu yi na mila; aniko sile so elulwa si na puruma ngu ditshiku da xomulo, ni da kupandiseka ka hombe ngutu.

Hoseya 4:2

Kova ni kuxambanya makuhu dwe, ni kuhemba, ni kudaya, ni wukhamba, ni wugango, va thuma kutheketa mnoha txitimwi ka minoha.

Hoseya 4:8

Vadya sionho sa vathu vangu, kambe va navela ngutu wubihi wawe.

1 Samuwele 24:14

A humela mani mfumeli wa va ka Israyeli kani? A tutumisa mani kani? U tutumisa yimbwa yo fa kani? Mwendo i ndata kani?