Hoseya 10:10 - Bhiblia Yo Sawuleka

¹⁰ Ani ni na va tsayisa ngu mpimo wa kunavela kwangu; se matiko ma na va sengeletana me lwa navo, ngako va txi na sungwa ka sihambunyeto sawe.

Hoseya 10:10 Referans Kwoze

Ezekhiyele 5:13

Ngu kumaha keto kuhenya kwangu ku na maheka, ni na boxela kwawe txiviti txangu ni txi ti thavelela; kambe va na tiziva ti to ngani ani, Mkoma, ni nga womba ngu kuvihata, mbimo yi ni no va vitikela.

Hoseya 4:9

Ngu toneto, nga ti vaku ngu tona vathu vangu, mphaxeli nene a nga toneto; ni na va tsayisa ngu mhaka ya mahanyelo awe, ni ku vaninga hakela ya mithumo yawe.

Jeremiya 16:16

“Ni na dhana vakukuti vavangi, kuwomba Mkoma: Va na va ndinda; ni na dhana vaxoti votala, va na va xota mimangoni kotshe, ni ka simangwana, ni ka totshe tiphako ta marigwini.

Matewu 22:7

Se mfumeli a di ti pfite eto, a to henya ngutu e ruma tiyimbi takwe kuya fuvisa sigevenga sile, ve hisa didhoropa da sona.

Hoseya 8:10

Hambi keto, hambi va txi rumela sihiwa ka mamwani matiko, ani ni na va sengeleta; se va khatile kuguma ngu mhaka ya mrwalo wa mfumeli wa vathangeli.

Hoseya 8:1

Veka mpundu ha txisofu kwako. Ene wata kufana ni digama ku ta wukela Nyumba ya Mkoma, nguko va lekile txitumelelano txangu, kambe ve wukela mlayo wangu.

Ezekhiyele 23:46

Nguko Mkoma Txizimu a khene: Ni na va maha ve lwiswa ngu msengeletano, ni txi va ningela ve thaviswa ditikoni, va txihandwa.

Ezekhiyele 23:9

Ngu kumaha keto, ni mningete manzani ka sigango sakwe, i ku manzani ka vanana va Vasiriya, avale a nga randana navo.

Ezekhiyele 16:42

Ku kuhenyela kwangu ku na boxa, ni kulusa kwangu ku na kuvayilela, ni na malala, kha ni na mbi ngadi ni henya kambe.

Ezekhiyele 16:37

wona taku ni na sengeleta sotshe sigango sako, asile u nga patana naso, ni votshe vale u nga va randa, ni votshe vale u nga va nyenya, ni na va tshanganisa va txi kurandela ve kuwukela, ni na kombisa wumbwiri wako masoni kwawe, kasi kuve wona wumbwiri wako wotshe.

Jeremiya 21:4

“Mkoma, Txizimu txa ka Israyeli, a khene: Wonani, ni na tshumetela matxhari awa ma ku manzani kwanu, awa milwako ngu ona hahanze, mi txi wukela mfumeli wa Bhabhilona ni Makhaldheya, ava va nga mi randela, ni na ma sengeletela ka didhoropa diya.

Jeremiya 15:6

U ni lekile, kuwomba Mkoma, u tshumelete msana. Ngu konaho, ni nawulutile dianza dangu, ni kulovisa. Ni karate ngu ku kudivalela.

Isaya 1:24

Ngu toneto, Mkoma Txizimu txa Mabutho a Tiyimbi, Ndena ya ka Israyeli, a khene: Ani na ti tsakisa ngu va va ni vengako, ni wukela valala vangu.

Dhewuteronome 28:63

Ngu toneto, kufana ni kuwa Mkoma a nga txi tsaka ngu ku mi mahela ta tinene, ni ku mi andisa, kufana ni toneto, a na tsaka kambe ngu kuva mi txi loviswa, mi txi fuva; nanu mi na dulwa mi txi humiswa ka ditiko di mi yelako kuya di teka.

Hoseya 10:9

Kukhukhela ka masiku a Gibheya, u onhile awe Israyeli; mi zumbile kona haleya; kulwa kona Gibheya ni vanana va wubihi kha ku na mbi mi juma.

1 Vafumeli 12:28

Ngu konaho, mfumeli a to wumba marole mambidi a nzalama, e va gela ku khene: Mthumo wanu wawungi i nave wo kwelela Jerusalema; wa siwona sizimu sako awe Israyeli, si nga kuhumisa Egipta.

Jobe 39:10

Mwendo u nga jokela nyari ka digejo ngu ngoti, mwendo yi nga kubhandela misele kani?

Hoseya 4:19

Txihuhuri txi va fenengetile ngu tibhapi ta txona, kambe va nawa tingana ngu mhaka ya miphaxo yawe.