Hoseya 1:4 - Bhiblia Yo Sawuleka

⁴ Se Mkoma a to m'gela ku khene: “Mraye ditina daku i Jezireyeli; nguko mndani ka mbimonyana ni na photela mnoha wa Jezireyeli, txitimwi ka nyumba ya ka Jewu, ni lovisa mfumo wa nyumba ya ka Israyeli.

Hoseya 1:4 Referans Kwoze

Hoseya 1:9

Se Mkoma a to khene: Mraye ditina daku i Lo-Ami, nguko anu kha mi nga vathu vangu, nani kha ni na mbi va Txizimu txanu.

Hoseya 1:6

Se a to tshumela e mana txirumbu e veleka mwanana wa dihorana; se Mkoma a to khene: “Mraye ditina daku i Lo-Ruwama; nguko ani kha ni na mbi tshumela kambe ni pfela wumbilu va nyumba ya ka Israyeli, aniko ni na va tekela sotshe.”

Ezekhiyele 23:31

U tsimbite ngu nzila ya mkomwako; ngu kumaha keto, ni na ningela digombe dakwe manzani kwako.

Ezekhiyele 23:10

Vona va vhunungute wumbwiri wakwe, va tekile vanana vakwe va txiwamna ni va txisikati, aniko ene va m'date ngu ditxhari; se a vile ni nduma hagari ka vavasikati, kambe kulamula ku vile txitimwi kwakwe.

Jeremiya 23:2

Ngu konaho, Mkoma, Txizimu txa Israyeli, a khene xungetano ni vadyisi va vathu vangu: “Anu mi hangalasile tinvuta tangu, mi txi ti tutumisa, kha ma khatala ngu tona. Ni na mi tsayisa ngu mhaka ya kubiha ka simaho sanu, kuwomba Mkoma.”

Jeremiya 3:8

Ni to wona ti taku, hambiko ni nga tovela Israyeli, ni mninga dipasi da kuhambana ngu mhaka ya wugango wakwe, Judha ndiya yakwe yo mbi thembeka, kha thava, aniko nene a to tsula eya maha wona wugangowo.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

2 Vafumeli 10:17

Mbimo yile a nga hoka Samariya, a to dayela votshe va ka Akabe vale va nga ti sate Samariya, eza a txi va khundumusela, madingano ni dipswi dile Mkoma a nga ti gete Elija.

Johani 1:42

Se a txi mu heleketa ka Jesu. Jesu a to mu wonisisa, se a txi khene: “Awe ngawe Simoni, mwana Johani; u na dhanwa ku u Khefasi” (ati ti wombako ku Pedro, Dirigwi.)

Luka 1:63

Ene a to kombela txileti a txi bhala ku khene: “Ditina dakwe i Johani.” Votshe va to xamala.

Luka 1:31

U na mana txirumbu, u txi veleka Mwanana wa m'zambi, awu u no m'raya ditina daku i Jesu;

Luka 1:13

Aniko ngelozi yi m'gete, yi txi kha yona: “U nga thave, Zakariya, mkombelo wako wu engisilwe. Izabheli msikati wako, a na kuvelekela mwanana wa m'zambi, awu u no m'raya ditina da Johani.

Matewu 1:21

a na veleka mwanana wa m'zambi, awu u no m'raya ditina daku i Jesu, nguko Ene a na hanyisa ngamu yakwe ka sionho sawe.”

Hoseya 9:17

Txizimu txangu txi na va lamba, nguko kha va txi engisi; va na tsimbila-tsimbila hagari ka matiko va si thumi txilo.

Hoseya 2:22

Se mafu ma na xamula ka fulaho, ni ka dosi, ni ka mafura; sona si na xamula ka Jezireyeli.

Hoseya 2:13

Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.

2 Vafumeli 15:8

Ka dilembe da magumi mararu ni mtxhanu ni mararu, a kufuma ka Azariya, mfumeli wa ka Judha, ku to fuma Zakariya, mwana Jerobhowamu, a to fumela Israyeli, a di Samariya, mtxhanu wa mitxima ni wumwewo.

Jeremiya 20:3

Mangwanani ka kona Paxuri a to humisa Jeremiya ngu ku khotelwani. Sekoko Jeremiya a to khene kwakwe: Mkoma kha kudhani ditina do khene ngawe Paxuri, aniko ngawe “Magori-Misabhibhi.”

Joxuwa 19:18

Ditiko dawe di patanisa madhoropa awa: Jezrayeli, ni Kasiloti, ni Sunamu,

2 Vafumeli 10:1

Se Akabe a ti ti ni mtxhanu wa magumi a vanana kona Samariya; Jehu a to bhala mapapilo e ma rumela Samariya, ka vathangeli va Jezireyeli, ni madhota, ni ka vaxayisi va vanana va Akabe, a txi khene:

Isaya 8:3

Ni to ya zivana ni msikati wangu, i ku mprofeti wa txisikati; se ene a to khura txirumbu, e veleka mwanana wa m'zambi; Mkoma a to khene kwangu: U na mraya ditina daku i Mayeri-Salali-Hasi-Bhazi.

Amosi 9:8

Wonani ti to maso a Mkoma Txizimu malwa ni mfumo wa sionho, se ani na wuhoxota wotshe txitimwi ka mafu; kambe kha ni na mbi hoxota nyumba ya Jakobe do gwita: Kuwomba Mkoma.