Hoseya 1:10 - Bhiblia Yo Sawuleka

¹⁰ Ngu kumaha keto, mtengo wa vanana va ka Israyeli u na nga mtxhefa wa lineneni, awule wu si pimwiko mwendo kubalwa; se ku na maheka tito, ka wukhalo wu va nga gelwa ku kha vona: Anu kha mi nga vathu vangu, va na kha vona: Anu mi vanana va Txizimu txi txi hanyako.

Hoseya 1:10 Referans Kwoze

2 Vakorinto 6:18

“Aniko ni na va Tate wanu, anu mi na va vanana vangu va mazambi ni vamahorana,” kuwomba Mkoma wa Mtamo wotshe.

Johani 1:12

Aniko votshe va va nga mu amukela, ava va nga tumela ka ditina dakwe, a va ningile mtamo wa kumaha vanana va Txizimu.

Isaya 43:6

Ni na khani ka Wuphemba: Naheta! Ni Wulambwe ku khani: U nga lambe! Wuyisani vanana vangu ngu kule, ni vanana vangu vamahorana, ngu magwito ka mafu,

Hoseya 2:23

Ni na tiphayela ene ha mafuni, ni pfela wumbilu Lo-Ruwama; se ka Lo-Ami ni na khani: Awe u ditiko dangu! Se ene a na khene: Awe u Txizimu txangu!

Isaya 66:20

Se va na wuyisa votshe vananu, va hagari ka otshe matiko, kasi kumaha mningelo ka Mkoma, na va di txitimwi ka mahantxhi, ni mu ka sikotxikani, ni mu ka misingo, ni txitimwi ka mamula, ni txitimwi ka mibhedhu, mmangoni kwangu ko sawuleka, kona Jerusalema, kuwomba Mkoma, kufana ni kuva vanana va ka Israyeli va txi tisa miningelo yawe ngu ka siya so basa, Nyumbani ka Mkoma.

Genesisi 13:16

Liveleko lako ni na li maha li txi fanana ni lithulu la mafu. Ku walo wu a sikotako kubala lithulu la mafu, kufana ni toneto, kuwalo wu a no sikota kubala situkulwana sako.

Hoseya 1:9

Se Mkoma a to khene: Mraye ditina daku i Lo-Ami, nguko anu kha mi nga vathu vangu, nani kha ni na mbi va Txizimu txanu.

Genesisi 22:17

ni na kukatekisa, ni andisa liveleko lako, nga tinyeleti ta nzumani, ni ku nga mtxhefa mabambe ka linene; liveleko lako li na honyola madhoropa a valala va lona.

Vahebheru 11:12

Ngu lona likholo kambe, m'thu wammweyo wa kusavelwa ngu lifo a sikotile kuveleka ngamu yayingi yo dinganiswa ni kutala ka tinyeleti ta nzumani, to mbi balwa kufana ni titshenda ta mtxhefa wa lineneni.

Genesisi 32:12

Awe ngawe, u nga womba u txi khawe: “U na ni xayisa ta tinene, u txi maha ti to liveleko langu li txi tala nga mtxhefa wa mafu a lineneni, awu wu si kotekiko kubalwa.”

Jeremiya 33:22

Ni na engetela mtengo wa liveleko la txithumi txangu Dhavhidha ni wa Valevhi i ku vaphaxeli, nga ku mtengo wa yimbi ya nzuma wu si balwiko, hambi ni mtxhefa wa linene.

Isaya 48:19

Hambi liveleko lako li ndi na fana ni mafu, ni vale va humako disembeni kwako, va ndi na tala nga mtxhefa wa lineneni; ditina dako di si dhuki di thaviswa, hambi kuloviswa masoni kwangu.

Varoma 8:19

Kha ditshuri, sotshe si si nga vangwa sa rinzela ni kunavela ti to Txizimu txi txi wonekisa vanana va txona ha kubasani.

Isaya 63:16

Aniko awe u Tate wathu, hambi kule Abrahamu asi hi ziviko, ni Israyeli asi hi alakanyiko. Awe Mkoma, u Tate; Mtiruli wathu, kukhukhela kaleko, ditina dako.

Isaya 64:8

Kambe konkuwa, awe Mkoma, awe ngawe tate wathu; athu hi dibumba, se awe u muwumbi wathu; kambe athu hotshethu hi mthumo wa manza ako.

Isaya 65:1

Ni lavilwe ngu vale va si khaliko ku wotisa ngu ngani; ni manwi ngu vale va nga ti si ni lavi; ka vathu vale va nga si dhanwi ngu ditina dangu, ni txi khani: Ngani wuwa hawa!

Dhaniyeli 6:26

Ni leleta ti to ka madhawa otshe a mfumo wangu, vathu ve na dhudhumele ni kuthava masoni ka Txizimu txa Dhaniyeli; nguko txona nji Txizimu txi hanyako, txi zumbako kala kupinduka, kambe mfumo wa txona kha wu na khundumuswa; ni kufuma ka txona kha ku na mbi va ni magwito.

2 Samuwele 7:24

Se u tsanisile vathu vako va ka Israyeli, kuva vathu vako kala kupinduka, kambe awe Mkoma u mahile Txizimu txawe.