Hagayi 2:9 - Bhiblia Yo Sawuleka

⁹ Wudhumo wa nyumba yi yo gwitisa, wu na va wa hombe kupinda wa yile yo khata, kuwomba Mkoma wa Mabutho a Tiyimbi, kambe ka wukhalo wuwa ni na ninga kudikha, kuwomba Mkoma wa Mabutho a Tiyimbi.

Hagayi 2:9 Referans Kwoze

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Luka 2:14

“Txi na dhumiswe Txizimu txitimwi nzumani ni kudikha ku na tale ha mafuni, ka vale txona txi va dhundako.”

Jakobe 2:1

Vanathu, likholo lanu ka Mkoma wathu Jesu Kristu, wu a nga tala ngu wudhumo, li nga mahe mibhando hagari kwanu.

Mithumo 10:36

Ngu yoneyo mhaka Txizimu txi nga yi rumela ka vanana va ka Israyeli, txi nga va txhumayela mahungu a maphya a kuthutha, ngu Jesu Kristu, i ku Mkoma wa votshelele.

Mika 5:5

Se awuwa a na va kudikha kwathu. Mbimo yile Asiriya a nota ditikoni kwathu, ni mbimo yile a no pinda ngu txitimwi ka tinyumba tathu ta wukoma, hi na emisa mtxhanu wa vadyisi, ni mtxhanu wa vakoma ni vararu hagari ka vavamna, kasi kulwa nayo.

Isaya 60:7

Totshe tinvuta ta Kedhari ti na sengeletana hafuhi ni nawe, se tihamba ta Nebhayote ti na kuthumela; mi na kwela ngu kutsaka txiluveloni kwangu, se ani ni na dhumisa nyumba ya wudhumo wangu.

Isaya 66:12

Nguko Mkoma a womba tiya: Wonani ti to ni na ateta kudikha kufana ni mnambo, ni wudhumo wa matiko kufana ni txinambwana, txi txi thekelelako; sekoko mi na mama, va na mi gulwa, va txi mi khutarela.

Hagayi 1:8

Kwelani mmangoni mi txi ya teka mapulango, mi ta aka nyumba; se ni na tsaka ngu yona, kambe ni na dhumiswa, kuwomba Mkoma.

Hagayi 2:3

I mani a kuho hagari kwanu, waku a nga huluka, a nga wona nyumba yiya ka wudhumo wa yona wo khata kani? Se konkuwa mi yi wonisa kutxani kani? Ina ayiya kha yi maneki i si nga ya txilo masoni kwanu, ngako yi txi fananiswa ni yile yo khata kani?

Zakariya 2:5

Se ani, kuwomba Mkoma kwakwe, ni na va diguma da mndilo do mranganyeta, se ani nipune ni na va wudhumo hagari kwakwe.

Ezekhiyele 43:5

Se Moya wu to ni gula wu txi ni yisa ka mtendela wa mndani; se kuphatima ka Mkoma ku to tata dithepele.