Hagayi 2:7 - Bhiblia Yo Sawuleka

⁷ ni na dekadekisa otshe matiko, se ti nata tithomba ngu ka matiko, ni na tata nyumba yiya ngu wudhumo, kuwomba Mkoma wa Mabutho a Tiyimbi.

Hagayi 2:7 Referans Kwoze

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

1 Vafumeli 8:11

Se vaphaxeli va si dingani kuthuma va di emile, ngu mhaka ya direfu, nguko kuphatima ka Mkoma ku ti tatile Nyumba ya Mkoma.

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Luka 2:46

Msana ka masiku mararu, va to ya mu mana amu Dithepeleni, a di khalahatshile hagari ka vagondisi, na a txi va engisela ni ku va mahela siwotiso.

Luka 2:27

Ti di mahile eto, mbimo yi vaveleki va nga tisa Mwanana Jesu kasi kuya maha ngu ngene tifanelo ta Mlayo,

Ezekhiyele 21:27

Ni na khundumusa, ni na khundumusa, ni na khundumusa m'bhoti wuwa, kha wu na mbi va i di wona kambe m'bhoti wuwa, ku nata wule wu lumbako m'thu wa kona, se ni na ninga eneyo.

Isaya 60:7

Totshe tinvuta ta Kedhari ti na sengeletana hafuhi ni nawe, se tihamba ta Nebhayote ti na kuthumela; mi na kwela ngu kutsaka txiluveloni kwangu, se ani ni na dhumisa nyumba ya wudhumo wangu.

Genesisi 22:18

Se ngu ka liveleko lako yi na katekiswa yotshe mifumo ya ha mafuni, nguko u engisile dipswi dangu.”

Vagalatiya 3:8

Mibhalo ni yona, ngu kusongolela ku ti wona ti to Txizimu txi na hundulusa vamatiko ve maha valulami ngu kukholwa, yi zivisile ka Abrahamu mahungu awa amanene, yi txi kha yona: “Yotshe mifumo yi na katekiswa ngu kota yako.”

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Luka 21:38

Se votshe vathu va ti vindukela ve ta kwakwe, Dithepeleni, kasi ku ta mu engisa.

Luka 19:47

Kambe vaphaxeli va hombe ni vabhali ni madhota a ditiko, va ti lava ku m'daya.

Masalmo 80:1

Awe m'dyisi wa ka Israyeli, hi engise u kombisako nzila ka liveleko la ka Josefa kota mtxambi wako, hi engise, awe u ku ha txikhaloni txitimwi ka makerubhima, ti wonekise!

2 Makronika 5:14

Se vaphaxeli va si dingani kuthuma va di emile, ngu mhaka ya direfu, nguko wudhumo wa Mkoma wu ti tatile Nyumba ya Txizimu.

Luka 20:1

Ngu ditshiku dokari, ku ti ngako a txi gondisa vathu Dithepeleni ni kutxhumayela vathu Evhangeli, vaphaxeli va hombe ni vabhali va to ti wonekisa kwakwe kumweko ni madhota a ditiko,

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Vakolosa 2:9

Nguko wuzimu wotshe wu akile ngu kutala mmidini kwakwe,

Masalmo 85:9

Kha ditshuri kuhanyisa kwakwe ku hafuhi ka vale va m'thavako ni wudhumo wakwe wu na aka ditikoni kwathu.

Isaya 2:19

Sekoko vathu va na wulela tiphakoni ka marigwi, ni mu ka maphala a mafuni, ngu mhaka ya kuthava Mkoma, ni kudhumiswa ka wuhombe wakwe, ngako a txi khukha kasi kuxamalisa ditiko.

Isaya 60:4

Gula maso ako, u ma rendelekisa ka madhawa otshe, u wona; votshe vava se va sengeletani va ta kwako; vanana vako va majaha va nata ngu kule; ni vanana vako vamahorana va na wunjeka didhawa kwako.

Ezekhiyele 31:16

Ngu diguwa da kuwa ka wona, ni zinginisile matiko, mbimo yile ni nga wu releta mndiloni, ni vale va relelako diphalani; se yotshe mindonga ya Edheni, ni mindonga ya yinene ya Libhanoni, votshe vale va selako mati hahatshi ngutu ka mafu va to thavelelwa.

Ezekhiyele 38:19

Nguko ku ti hita kwangu ku ni gete, amu ka mndilo wa kuhenya kwangu, taku ka dona ditshiku dile ku nava ni kudhudhumela ka hombe, txitimwi ka ditiko da ka Israyeli,

Ezekhiyele 44:4

Ngu msana a to ni tisa ka nzila ya txike txa wulambwe, masoni ka nyumba; se ni to wona taku kuphatima ka Mkoma ku tatile Nyumba ya Mkoma; sekoko ni to wa ngu khohe yangu.

Hagayi 1:8

Kwelani mmangoni mi txi ya teka mapulango, mi ta aka nyumba; se ni na tsaka ngu yona, kambe ni na dhumiswa, kuwomba Mkoma.

1 Vafumeli 8:10

Se ku to maheka ti to va txi huma vaphaxeli ngu ka wukhalo wo sawuleka, direfu dokari di tata Nyumba ya Mkoma.