Hagayi 2:5 - Bhiblia Yo Sawuleka

⁵ madingano ni dipswi di ni nga pfana ni nanu, mbimo yile mi nga huma ngu Egipta, se Moya wangu wu ti ti zumba hagari kwanu; mi nga thaveni.

Hagayi 2:5 Referans Kwoze

Eksodha 34:10

Sekoko Mkoma a xamute a txi khene: “Ni na maha txitumelelano ni nawe; masoni ka votshe vathu vako, ni na mahetela sixamaliso, sile si si ziviko kumaheka ni ka wuhi wukhalo, hambi ni ka wuhi mfumo, ni vathu vava va ku randelako se va na wona mthumo wa Mkoma, nguko simaha so thisa ni na si mahetela ngu mtamo wako.”

Nehemiya 9:20

Se u va ningile moya wako wa wunene, kuve gondisa ngu wona; hambi manna ako khu ya thavisa txisofuni kwawe; ni mati o sela u va ningile.

Isaya 41:13

Nguko ani, Mkoma, Txizimu txako, ni kuñola ngu dianza dako da txinene, ni txi khani kwako: U nga thave, ani na kuvhuna.

Zakariya 8:13

Se ku na maheka awe nyumba ya ka Judha, ni nawe nyumba ya ka Israyeli tito, nga kule anu mi nga ruketelwa hagari ka matiko, ni na mi hanyisisa toneto, mi va txikateko; mi nga thaveni, ma na ti karate manza anu.

Zakariya 8:15

ngu kumaha keto, ni pimisile kambe kumaha wunene ka Jerusalema, ni ka nyumba ya ka Judha, ka masiku awa, mi nga thaveni.

Mithumo 27:24

yi txi kha yona: ‘U nga thave, Paulo! U fanete kuhoka masoni ka Khezari; wona, Txizimu txi vekile manzani kwako wutomi wa votshe va u endako navo mu txitimelani.’

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Mtuletelo 1:17

Mbimo yi ni nga mu wona, ni to wa minengeni kwakwe, ni txi nga ni to fa. Ene a to ni sanzeka dianza dakwe da txinene, a txi ni gela ku khene: “U nga thave. Ani ngani wa kukhata ni kugwitisa,

Matewu 28:5

Aniko ngelozi yi to womba ka vavasikati, yi txi kha yona: “Mi nga thaveni txilo, na tiziva ti to mi lava Jesu, awuwa a nga ti bethetwe ha txihambanoni.

Zakariya 4:6

Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

2 Makronika 20:17

Ka yimbi yiya anu kha mi na mbilwa, tsulani mi txi ya ema mi wonetela a ti Mkoma a no maha, kasi ku mi hulukisa, anu va ka Judha, ni va Jerusalema; mi nga thaveni, kambe mi nga dhukisweni; mangwana va hingeteni, nguko Mkoma a na va ni nanu.

Joxuwa 8:1

Sekoko Mkoma a to khene ka Joxuwa: “U nga thave, kambe u nga xamale; teka otshe masotxhwa, u txi yalwa ni didhoropa da Ayi; wona taku ni ningete manzani kwako mfumeli wa Ayi, ni vathu vakwe, ni didhoropa dakwe, ni ditiko dakwe.”

Eksodha 34:8

Se koneko Mosi a to kuluveta a txi ti wisa hahatshi e khozela,

Eksodha 19:4

“Mi ti woni ati ni nga ti maha ka Vaegipta ni ti ni nga mi gulisa tona ngu txitimwi ka mabhapi a ngungwa, ni txi mi tisa kala kona hawa kwangu.

Eksodha 19:6

Aniko anu mi na va mi di mfumo wa wuphaxeli ni vathu vo sawuleka. Mapswi awa ngu ona u no ya va gela vanana va ka Israyeli.”

Eksodha 24:3

A di wuyile koko Mosi a to ta txhamusela ka vathu mapswi a Mkoma ni sotshe sileleto, sekoko vathu va to xamula ngu dipswi dimwedo. Va to kha vona: “Otshe mapswi ale Mkoma a nga ma womba, hi na ma maha.”

Eksodha 24:8

Sekoko Mosi a to teka mnoha a txi wu xwayela txitimwi ka vathu, na a txi womba, a txi khene: “Awuwa mnoha wa txitumelelano txi Mkoma a nga txi maha ni nanu, ngu kulondisa otshe mapswi ale a nga ma womba.”

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

1 Samuwele 12:20

Sekoko Samuwele a to khene ka vathu: Mi nga thaveni! Hambi ku anu mi nga maha wotshe wubihi wuwa; kambe mi nga lekeni nzila ya Mkoma, aniko thumelani Mkoma ngu mbilu yanu yotshe.