Hagayi 2:22 - Bhiblia Yo Sawuleka

²² se ni na hoxota txikhalo txa wukoma txa mifumo, kambe ni na khundumusa mitamo ya mifumo ya matiko; ni khundumusa txikotxikani, ni vale va khalahatshako ka txona; se mahantxhi ni vagadhi va ona, va na wa, mmwani ni mmwani ngu ditxhari da mwanawe.

Hagayi 2:22 Referans Kwoze

Mika 5:10

Se ku na maheka ka dile ditshiku, kuwomba Mkoma ku khene: Ni na fuvisa hagari kwako mahantxhi ako, kambe ni na khundumusela sikotxikani sako;

Valamuli 7:22

Ngako avale va 300 va nga ti veta mipundu, Mkoma a to maha a tito, wugoveloni kotshe ka Vamidhiyani mmwani ni mmwani va txi bhayana ngu matxhari ni mkwawe. Votshe vathu va yimbi va to thava kala Bheti-Sita, hafuhi ni Zerera, kala m'hinganoni ka Abhele-Mawola, masoni ka Tabhati.

Matewu 24:7

Ditiko di na wukela dimwani ditiko, mfumo wu na wukela wumwani mfumo, ku nava ni tipaya ni mitungu ni kuzinginikela ka mafu, ka makhalo amangi.

Zakariya 10:11

Ene a na txhatuka linene ngu kukarateka, se a na peka mavimbi a linene, kambe kotshe kutshima ka minambo ku na oma, sekoko kutikulisa ka Asiriya ku na wiswa, ni ndonga ya Egipta yi na khukha.

Zakariya 4:6

Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Zefaniya 3:8

Ngu toneto, ni vereleni, kuwomba Mkoma: Ka ditshiku di ani ni no khukha ni txi ya handa; nguko maalakanyo angu ngu kusengeleta matiko, ni kutshanganisa mifumo, kuva ni txi na tshakunuta kuhenya kwangu, ni kotshe kupandiseka ka txiviti txangu; nguko otshe mafu awa, ma loviswa ngu mndilo wa txiluse txangu.

Mika 5:15

Se ni na tisa kuhenya ni txiviti txitimwi ka matiko ale ma si engisiko.

Ezekhiyele 39:20

Ha mezani kwangu mi na khura, mahantxhi, sikotxikani, tindena, ni votshe vavamna va yimbi, kuwomba Mkoma Txizimu.

Masalmo 46:9

Mkoma wa fuvisa tiyimbi kotshe ha mafuni; wa funyeletela wulaho, e wila ditxhari; ni kuhisa sikotxikani ha mndiloni!

Dhaniyeli 8:25

Se ngu wuzivi wakwe kambe, a na humelelisa wukanganyisi manza kwakwe, se mbiluni kwakwe a na tikulisa, ngu mhaka ya kuthutha a na lovisa votala e wukela mthangeli wa vathangeli, kambe a na funywa na i si nga ngu diwoko da m'thu.

Masalmo 76:6

Ngako awe Txizimu txa Jakobe, u txi va dhusa, sikotxikani sawe ni mahantxhi awe sa ema.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Zakariya 14:3

Se Mkoma a na huma e yalwa ni matiko awa, ku nga tile a nga lwisa tona ngu ditshiku da yimbi.

Zakariya 9:10

Se ni na hoxota sikotxikani sa Efrayime, ni mahantxhi a Jerusalema, ni kufunyeletela wulaho wa yimbi; se ene a na pfalisa kudikha matikoni; se kufuma kwakwe ku na nava, kukhukhela ka linene limwelo, kala ka limwani linene, ni kukhukhela ka mnambo kala magwito ka mafu.

Mika 5:8

Se miboti ya ka Jakobe yi na va hagari ka matiko, hagari ka vathu vavangi, kufana ni ngonyamo hagari ka sihari sa txitinga, ku nga txingonyamoana hagari ka mitxhambi ya tinvuta, ngako txi txi pinda, txi na ti ganyatela ni ku ti phatulela, ku si maneki ni wo ti lwela.

Ezekhiyele 21:27

Ni na khundumusa, ni na khundumusa, ni na khundumusa m'bhoti wuwa, kha wu na mbi va i di wona kambe m'bhoti wuwa, ku nata wule wu lumbako m'thu wa kona, se ni na ninga eneyo.

Isaya 60:12

Nguko ditiko ni mfumo wule wu no mbi ku thumela, si na lova; ina, matiko oneyo otshe ma na sala i di marumbi.

Isaya 19:2

Nguko ni na maha ti to Vaegipta va txi wukela Vaegipta, se mmwani ni mmwani a na lwa ni mwanawe, ni muakelani a nalwa ni muakelani wakwe, didhoropa di na wukela dimwani didhoropa, mfumo wu na wukela wumwani mfumo.

Isaya 9:19

Ngu mhaka ya kuhenya ka Mkoma wa Mabutho a Tiyimbi, ditiko di na phuma, vathu va na nga tikhuni ha mndiloni; kha ku nga ni kudivalela mkwawe.

2 Makronika 20:22

Se ka mbimo yile va nga khata kupeka mikulungwani ya kutsaka ka hombe ni kudhumisa, Mkoma a to rumela vathu veya wukela vanana va Amoni ni va Mowabhi ni vanana va mimangoni ka Seyiri, avale va nga ta kasi kutalwa ni va ka Judha.

1 Samuwele 14:16

Vawoneleli va Sawule koko, vale va nga ti Gibheya ka Bhenjamini, va to wona vathu va txi thekela ngu kututuma, na va txi gumulana.

Eksodha 15:19

Nguko mbimo yile mahantxhi a Faro, ni sikotxikani sakwe, ni vagadhi va mahantxhi, va nga wulela lineneni, Mkoma a mahile ti to mati ma txi tshangana txitimwi kwawe; na kuve vanana va ka Israyeli va pindile ku di omile hagari ka linene.

Eksodha 14:28

Mbimo yi mati ma nga tshumela me teka txikale txa ona, ma to mita sikotxikani, vagadhi va mahantxhi, ni mahantxhi a kona, ni dotshe dibutho da yimbi ya Faro, yi yi nga ti va londetile mu lineneni yi txi va hinga, kambe kha ka huluka ni wammweyo.

Eksodha 14:17

Ani ni na bangisa timbilu ta Vaegipta kasiku va txi mi londeta, kambe ni na dhumiswa ka Faro ni ka yimbi yakwe yotshe, ka sikotxikani sakwe ni ka vagadhi vakwe va mahantxhi.

Eksodha 15:4

A bhwabhwamelisile mu lineneni, sikotxikani ni dibutho da yimbi ya Faro; manganakana akwe o thembeka ma bhwabhwamete mu ka linene lo Bhilivila.

2 Makronika 20:23

Nguko vanana va Amoni ni va Mowabhi, va to wukela vazumbi va mimangoni ka Seyiri, kasi kuve va lovisa ni ku va daya; se mbimo yi va nga heta vaaki va Seyiri va to lovisana vapune.

Ezekhiyele 26:16

Se vathangeli va lineneni va na txhika ngu situluni kwawe ka wukoma, kambe va na thavisa sifenengelo sawe, ve ambula simaha sawe so lukelwa; va na ambekwa kudhudhumela, va khalahatsha ha mafuni, va txi dhudhumela yotshe mbimo; kambe ngu mhaka yako, va na xamala.

Ezekhiyele 38:21

Nguko Goge ni na m'dhanela ditxhari, txitimwi ka yotshe mimango yangu, kuwomba Mkoma Txizimu; ditxhari da mmweyo ni mmweyo di na wukela mwanawe.

Amosi 2:15

A wu a nga ñola wulaho kha na mbi ema, ni wu aku ni livilo kha na mbi huluka, hambi ni ka kudotho, a wu a tsulako a di gadhile dihantxhi kha na mbi hulukisa wutomi wakwe.

Mika 7:16

Matiko ma na ti wona me wa tingana, ngu mhaka ya mtamo wakwe wotshe; va na veka dianza ha txisofu, ni tinzeve tawe ti na vhaleka.

Zakariya 10:5

Se va na nga tindena ti ganyatako valala va tona, amu ka madhaka a tinzilani, kulwani, va wulelako kulwani ngu madhakani ka tinzila, ve tshinda valala, nguko Mkoma a na va navo, se vona va na thela tingana vale va tsimbilako va di gadhile mahantxhi.

2 Makronika 15:6

Vathu va to wukelana, didhoropa dimwani di txi wukela dimwani didhoropa, nguko Txizimu txi di va vangete xomulo yayingi.

Mika 5:9

Dianza dako di na guleka txitimwi ka valala vako, se votshe valala vako va na loviswa.

Zakariya 12:9

Se ka ditshiku donedo, ku na maheka tito, ni na lava kukhundumusa otshe matiko ale ma nota wukela Jerusalema.