Hagayi 2:14 - Bhiblia Yo Sawuleka

¹⁴ Sekoko, Hagayi a to xamula, a txi khene: Ngu tona tiya vathu vava, ni ditiko diya masoni kwangu, kuwombile Mkoma; se ngu tona tiya yotshe mithumo ya manza awe; ni sotshe si va ningelako si nyenyezile.

Hagayi 2:14 Referans Kwoze

Titosi 1:15

Ka vava va nga basa timbilu, sotshe si basile, aniko ka vava va nga mbi basa, kuwalo txo basa: Mapimo ni livhalo lawe si onhekile.

Mavingu 28:9

Awule a vayilelisako tinzeve takwe mu ka kuengisa milayo, hambi mkombelo wakwe wu nave txinyenyeko.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Judha 1:23

hanyisani vamwani, mi va yokola ha mndiloni; ka vamwani kambe va pfeleni wusiwana, na mi txi ti wonela, mi txi nyenya hambi ni nguwo yawe, yi yi nga nyetwa ngu txionho txa mmidi.

Mavingu 21:27

Mphaxo wa muonhi njinyenyeko; ngutu-ngutu wu txi ningelwa ngu kulava to biha.

Mavingu 21:4

Kuwona ko tikulisa, ni mbilu yo ti guleta, njionho txa wo biha.

Hoseya 9:4

Kha va na mbi humesela vhinya Mkoma, hambi miningelo yawe kha yi na mbi mtsakisa; ka vona miphaxo yawe yi na fana ni sakudya sa txidilo; votshe vale va no sidya va na nyenyeziswa ngu sona, nguko sakudya sawe si na va so enela vona; kha si na mbi wulela Nyumbani ka Mkoma.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.