Hagayi 2:12 - Bhiblia Yo Sawuleka

¹² Ngako wokari a txi phutela nyama yo sawuleka ngu tshulo ya txyambalo txakwe, se ngu tshulo ya kona e gwesa dipawu, mwendo sakudya, mwendo vhinya, mwendo ka mafura, mwendo ka txihi tximwani txo dyiwa, ina a na va adi sawulekile kani? Se vaphaxeli va xamute va txi kha vona: Ahim-him.

Hagayi 2:12 Referans Kwoze

Matewu 23:19

Mabhofu-nu! Kasi nji txani txi ku ni lisima ngutu, kani? Ngu mningelo mwendo ngu txiluvelo txi sawulekisako mningelo, kani?

Levhi 6:27

Ni txihi txile txi no gwesa nyama yile, txi na sawuleka; ngako mnoha wa kona wu txi xwayela txyambalo txa m'thu wokari, u na kuwula txile txi nga txabwaketelwa, ka wukhalo wo sawuleka.

Ezekhiyele 44:19

Se mbimo yi va no huma ka mtendela wa hahanze, ka vathu, mtendelani ka hahanze, va na ambula syambalo sile va nga thuma ngu sona, va txi si veka ka tinyumba to sawuleka, ve ambala simwani simaha, kasi ku va si sawulekisi vathu va di ni syambalo sawe.

Levhi 7:6

Vavamna votshe hagari ka vaphaxeli ngu vona va ku ni fanelo yo dya nyama ya kona. Va dingana ku yi dyela ha wukhaloni ko sawuleka; nguko i mhamba yo sawuleka ngutu.

Levhi 6:29

Nyama yiya, yi na dyiwa ngu votshe vavamna vale i ku vaphaxeli; yi na va yi di sawulekile ngutu.

Eksodha 29:37

Amu ka masiku a mtxhanu ni mambidi u na maha mhamba ya kubasisa txiluvelo u txi sawulekisa; se nga toneto txiluvelo txi na va txi di sawulekile, ni sotshe sile ni gwesako txiluvelo si na va si txi sawulekiswa.

Dhewuteronome 33:10

Va gondisile sileleto sako ka Jakobe, ni mlayo wako ka Israyeli; vona va wuyisile kubhumula ka dibaselo tithonvuni kwako, ni mningelo wo hiswa txitimwi ka txiluvelo txako.

Ekleziyaste 10:1

Nga kule phuka yofa yi pfalisako kununga ko txhipisa mafura o bhumula, ngu toneto, wuphukuphuku wa onha wutxhari ni wudhumo wa m'thu wa nduma.