Hagayi 1:9 - Bhiblia Yo Sawuleka

⁹ Mi rinzete sasingi, aniko mi mani sa sidotho, ni soneso sa sidotho, mbimo yi mi nga si wuyisa m'tini, ani ni si futetile. Ngu kutxani kani? Kuwombile Mkoma wa Mabutho a Tiyimbi. Ngu mhaka ya nyumba yangu i ku ditshatsha, se mmweyo ni mmweyo wanu a tutumela nyumbani kakwe.

Hagayi 1:9 Referans Kwoze

Hagayi 1:4

Ina ngu yona mbimo yo anu mi zumba ka tinyumba tanu to thsuriselwa, se ayiya nyumba yi maha ditshatsha kani?

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Malakiya 2:2

Ngako mi si txi engisi, mi si ti emiseli timbiluni kwanu, kuninga txithavo ka ditina dangu, kuwomba Mkoma wa Mabutho a Tiyimbi, ni na rumela makhombo txitimwi kwanu, kambe ni na ruketela tithomba tanu, se ni ti ruketete nguko anu kha mi ti veki eto timbiluni kwanu.

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

Isaya 40:7

Mwasi wa oma, se siluva sa mora, ngako moya wa kuhefemula ka Mkoma wu di pindile txitimwi ka sona. Ngu ditshuri, vathu i mwasi.

Mtuletelo 2:4

Kambe na kusola nguko u lekile lirando lako lo khata.

Jobe 10:2

Ni na khani ka Txizimu: U nga ni sunge; ni gele ati ulwako ni nani ngu tona.

2 Vafumeli 19:7

Wona ati to ni na thela moya kwakwe, se ene a na pfa diguwa, a na tshumelela ditikoni kwakwe; ngu ditxhari ni na mmaha ewa ditikoni kwakwe.

2 Samuwele 22:16

Kambe ku to humelela kutshima ka linene, makhato a mafu ma to vhunungulwa, ngu kudhusa ka Mkoma, ni kufuteta ka moya wa tithonvuni kwakwe.

2 Samuwele 21:1

Se ka masiku a Dhavhidha ku to maneka nzala mndani ka malembe mararu o londetelana; kambe Dhavhidha a to wotisa ka Mkoma, aniko Mkoma a to khene kwakwe: I mhaka ya Sawule ni nyumba yakwe ya wudayi, nguko va theketile mnoha wa Vagibheyoni.

Mavingu 27:20

Mndiloni ni kutimelani kha si dhuki si khura, hambi ni maso a m'thu kha ma dhuki me kolwa.

Ekleziyaste 1:8

Sotshe siya sa karalisa ngutu, aha ko khangaho wo a nga sikota kutxhamusela; maso kha ma kolwi ngu kuwona, hambi tinzeve kha ti kolwi ngu kuengisa.

Ezekhiyele 21:31

Kambe ni na tshakunuta txitimwi kwako kuhenya kwangu, ni na futeta kwako mndilo wa kuhenya kwangu, ni txi kuningela manzani ka vavamna va sigevenga, i ku vanyamne va wuhasamuli.

Levhi 19:25

Se ka dilembe da wutxhanu, mi na va mi txi dya mihando ya kona, kasiku mindonga yi txi veleka mihando yayingi, ani ngani Mkoma, Txizimu txanu.

Dhewuteronome 28:38

U na dima u txi phaya mbewu yayingi thembweni kwako, aniko u na elula sa sidotho, nguko humbi yi na si heta.

Mavingu 11:24

Vaho vale va hangaliselako, aniko ve engetelwa kambe; ni vamwani va sengeletelako kupinda fanelo, aniko ve luzekelwa ngutu.

Isaya 5:10

Se digumi da tindima ta vhinya ti na humisa digarafawu; ni omeri yimweyo ya mbewu yi na humisa efa yimweyo dwe.

Jeremiya 12:13

Va phayile fulaho, va funyete mipa; va ti karatile walo. Mi na va ni tingana ngu mhaka ya kufunyela kwawe. Ni kuhisa ka txiviti txa Mkoma.