Hagayi 1:7 - Bhiblia Yo Sawuleka

⁷ Mkoma wa Mabutho a Tiyimbi a khene: Vekani timbilu tanu amu ka tinzila tanu.

Hagayi 1:7 Referans Kwoze

Hagayi 1:5

Se konkuwa, Mkoma wa Mabutho a Tiyimbi a khene: Vekani timbilu tanu amu ka tinzila tanu.

Vafilipiya 3:1

Ngu kugwitisa, vanathu, tsakani ngu ka Mkoma. Kha ti ni karati kuengeta ni mi bhalela toneto ta timweto, nguko eto ti vhuna ku mi tsanisa.

Isaya 28:10

Nguko mlayo txitimwi ka mlayo, mlayo ni mlayo, njileleto txitimwi ka txileleto, njileleto ni txileleto, kudotho hawa, kudotho hale.

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

Hagayi 1:8

Kwelani mmangoni mi txi ya teka mapulango, mi ta aka nyumba; se ni na tsaka ngu yona, kambe ni na dhumiswa, kuwomba Mkoma.

Hagayi 2:15

Sekoko, konkuwa, vekani timbilu tanu ka eto, kukhukhela ka ditshiku diya ni kuya masoni, na mi sanzi kuveka dirigwi txitimwi ka dirigwi, amu ka dithepele da Mkoma.

Sidilo 3:40

A hi ti soleleni hi wonisisa tinzila tathu, se hi txi tshumelela ka Mkoma Txizimu.