Hagayi 1:2 - Bhiblia Yo Sawuleka

² A wombisa tiya Mkoma wa Mabutho a Tiyimbi, a khene: Vathu vava va kha vona: Kha yi se hoka mbimo, mbimo yi Nyumba ya Mkoma yi dinganako kuakwa ngu yona.

Hagayi 1:2 Referans Kwoze

Ezra 4:23

Sekoko msana ka kuva di di gondilwe dipapilo da mfumeli Aritasasta, masoni ka Rewumi, ni Sinisayi, mabhalani wa kona, ni vangana vakwe, va to tsula ngu txikuluveta Jerusalema, veya tsimba Vajudha ngu ku va lwisa ngu manza.

Nehemiya 4:10

Sekoko Judha a to khene: Varwali va gumile mtamo, kambe lithulu nda lingi, se athu kha hi na mbi sikota kuaka diguma.

Ekleziyaste 11:4

Awu a wonetelako moya kha na mbi phaya, ni wule a wonetelako marefu kha na mbi funyela.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Mitengo 13:31

Kambe msana ka kuva Kalebhi a di va tsanisile kutshumela, vathu va va nga ti tsute kuya xola ditiko, va to kaneta va txi kha vona: “Hambi hi nga tshumela, kha hi na mbi ya va xula, nguko mbathu va ku ni mtamo ku hi pinda.”

Mavingu 29:25

Dijowa da m'thu di na riya milawu, kambe awule a thembako ka Mkoma, a na vekwa ka wukhalo wo guleka.

Mavingu 22:13

Mkara a khene: Hahanze ku ni ngonyamo; ni txo huma ni na ya dawa tinzilani.

Hagayi 1:1

Ka dilembe da wumbidi da mfumeli Dhariyo, ka mtxima wa wutxhanu ni wumwewo, ka ditshiku do khata da mtxima, kutile dipswi da Mkoma ngu ka mprofeti Hagayi, ka Zorobhabheli, mwana Salatiyeli, mthangeli wa Judha, ni ka Joxuwa, mwana Jozadhake, mphaxeli wa hombe, di txi kha dona:

Hagayi 1:3

Sekoko dipswi da Mkoma, di tile ngu ka mprofeti Hagayi, di txi ta kha dona:

2 Vafumeli 12:7

Sekoko mfumeli Jowasi a to dhana mphaxeli Joyadha, ni vamwani vaphaxeli a txi ta va gela ku khene: Ngu kutxani mi si lulamisiko amule ko onhekela ka nyumba kani? Kukhukhela ka konkuwa, mi nga zumbeni kambe ni male ya vathu vanu, yi ningeleni kasi ku lulametela a mule nyumba yi nga onhekela.

Ekleziyaste 3:3

mbimo ya kudaya, ni mbimo ya kuhanyisa; mbimo ya kuhaxula, ni mbimo ya kuaka;