Hagayi 1:1 - Bhiblia Yo Sawuleka

¹ Ka dilembe da wumbidi da mfumeli Dhariyo, ka mtxima wa wutxhanu ni wumwewo, ka ditshiku do khata da mtxima, kutile dipswi da Mkoma ngu ka mprofeti Hagayi, ka Zorobhabheli, mwana Salatiyeli, mthangeli wa Judha, ni ka Joxuwa, mwana Jozadhake, mphaxeli wa hombe, di txi kha dona:

Hagayi 1:1 Referans Kwoze

Ezra 2:2

i ku vale va nga wuya ni Zorobhabheli, ni Jesuwa, ni Nehemiya, ni Seraya, ni Rehelaya, ni Mordhekayi, Bhilisa, Misipani, Bhigvhayi, Rewumi ni Bhahana. Ka vathu va ka Israyeli, mtengo wa vavamna ngu wuwa:

Ezra 3:8

Se ka dilembe da wumbidi da kuta kwakwe Jerusalema Nyumbani ka Txizimu, ka mtxima wa wumbidi, Zorobhabheli, mwana Seyaltiyeli, ni Jesuwa mwana Jezadhake, ni vamwani vanawe, vaphaxeli ni Valevhi, ni votshe vale va nga wuya Jerusalema ngu wukhumbini, va to emisa Valevhi va tanga ya magumi mambidi a malembe ni kuya masoni, kasiku ve rwala mthumo wa kuakwa ka Nyumba ya Mkoma.

Ezra 3:2

Se Jesuwa mwana Jezadhake, ni vanawe, ni vaphaxeli, ni Zorobhabheli, mwana Sealtiyeli, ni vanawe, va to aka txiluvelo txa Txizimu txa Israyeli, txo ningelela kona miphaxo, nga tile ti nga bhalwa Mlayoni ka Mosi, m'thu wa Txizimu.

Hagayi 2:10

Ka ditshiku da magumi mambidi ni mune ka mtxima wa wutxhanu ni mune, ka dilembe da wumbidi da Dhariyo, kutile dipswi da Mkoma ngu ka mthumo wa mprofeti Hagayi, di txi kha dona:

Hagayi 1:12

Sekoko Zorobhabheli, mwana Salatiyeli, a to engisa, kumweko ni Joxuwa, mwana Jozadhake, mphaxeli wa hombe, ni votshe vathu vale va nga huluka, dipswi da Mkoma Txizimu txawe, ni mapswi a mprofeti Hagayi, nga tile Mkoma Txizimu txawe, a nga ti mrumisile tona; se vathu va to thava masoni ka Mkoma.

Nehemiya 7:7

I ku vale va nga wuya ni Zorobhabheli, ni Jesuwa, ni Nehemiya, ni Azariya, ni Rahamiya, ni Nahanani, ni Mordhekayi, ni Bhilisami, ni Mispereti, ni Bhigivhayi, ni Nehumi, ni Bhahana; mtengo wa vavamna wa vathu va ka Israyeli ngu wuwa:

Hagayi 1:14

Se Mkoma a to wusa moya wa Zorobhabheli, mwana Salatiyeli, mthangeli wa Judha, ni moya wa Joxuwa, mwana Jozadhake, mphaxeli wa hombe, ni moya wa votshe vathu vale va nga huluka, se va to ta thuma Nyumbani ka Mkoma wa Mabutho a Tiyimbi, Txizimu txawe,

Ezra 6:14

Se madhota a Vajudha ma ti ti aka, na va txi humeleliswa ngu kuprofeta ka mprofeti Hagayi, ni Zakariya mwana Idho; va to aka nyumba ve heta, madingano ni kuruma ka Txizimu txa ka Israyeli, ni kuruma ka Siro ni ka Dhariyo, ni ka ku Aritasasta, mfumeli wa Persiya.

Hagayi 2:20

Dipswi da Mkoma di tile ka wumbidi ka Hagayi, amu ka magumi mambidi ni mune ka mtxima, di txi kha dona:

Hagayi 2:4

Se konkuwa, tsanisela awe Zorobhabheli, kuwomba Mkoma, tsanisela awe Joxuwa, mwana Jozadhake, mphaxeli wa hombe, tsaniselani motshenu anu vathu va ha mafuni, kuwomba Mkoma, aniko thumani, nguko ani ni na ni nanu, kuwomba Mkoma wa Mabutho a Tiyimbi,

Nehemiya 12:10

Se Jesuwa a to veleka Joyakimi, Joyakimi a to veleka Eliyasibhe, Eliyasibhe a to veleka Joyadhi,

Nehemiya 12:1

Avava mbaphaxeli ni Valevhi va va nga wuya ni Zorobhabheli, mwana Selatiyeli, ni Jesuwa: Seraya, Jeremiya, Ezra,

Nehemiya 8:9

Se Nehemiya, wu i nga ti mfumeli ni mphaxeli Ezra, mabhalani, ni Valevhi vale va nga ti gondisa vathu va to kha vona ka votshe vathu: Ditshiku diya di sawulekile ka Mkoma Txizimu txanu, ngu toneto mi nga titsetseni, hambi ku ti dilela. Nguko votshe vathu va to dila va txi pfa mapswi a Mlayo.

Nehemiya 5:14

Kambe kukhukhela ka ditshiku dile ni nga vekwa kuva mfumeli wa ditiko da Judha, khukhela ka dilembe da magumi mambidi kala ka dilembe da magumi mararu ni mambidi a kufuma ka mfumeli Aritasasta, i ku digumi da malembe ni mamabidi, ani ni vanathu kha ha dya sakudya sa mfumeli.

Ezra 4:24

Se ku to ema kuakwa ka Nyumba ya Mkoma, a nga ti ti maneka Jerusalema, ku to ema kala ka dilembe da wumbidi da kufuma ka Dhariyo, mfumeli wa Persiya.

Ezra 4:2

va tile ka Zorobhabheli ni ka vathangeli vavatate ve ta kha vona: Hi lekeni hi aka ni nanu, nguko, ku nga anu, hi na xota kumweko Txizimu txanu; nga kule nathu hi txi phaxelako kukhukhela ka masiku a Esari-Edhomi, mfumeli wa Asuri, i ku ene a nga hi ruma kuta hawa.

Ezra 2:63

Se mfumeli kha va tumela ti to vedya sile so sawuleka, kala kuza kumaneka mphaxeli a di ni Urime ni Tumime.

Ezra 1:8

Siro, mfumeli wa Persiya, asi thavisile ngu dianza da Mitredhate, mxayisi wa tithomba, a nga si ningela manzani ka Sesibhazari, mthangeli wa ka Judha.

1 Makronika 3:19

Se vanana va Pedhaya i Zorobhabheli, ni Simeyi; se vanana va Zorobhabheli i Mesulami, ni Hananiya, ni Selomite, ndiyawe,

1 Makronika 3:17

Se vanana va Jekoniya ngu vava: Asiri ni mwanakwe Seyalitiyeli.

2 Vafumeli 14:25

Kambe ene a wusile mihingano ya Israyeli, kukhukhela txidingeni ka didhoropa da Hamati, kala ka Linene la Libalani, madingano ni dipswi da Mkoma, Txizimu txa ka Israyeli, nga kule a nga womba ngu mthumo wa mprofeti Jona, mwana mprofeti Amitayi, awule i nga ti ti wa Gati-Heferi.

1 Vafumeli 14:18

Se va to mtshotsha, ve maha thavelelo, madingano ni dipswi da Mkoma, a di nga womba ngu mthumo wa txithumi txakwe, mprofeti Ayasi.

Luka 3:27

mwana Jowanani, mwana Resa, mwana Zorobhabheli, mwana Salatieli, mwana Neri,

Eksodha 4:13

Ti di ngeto, Mosi a xamute a txi khene: “Ahim-him! Mkoma! Ruma mmwani a txi ya maha mthumo ewo.”

1 Vafumeli 10:15

hahanze ka mikhupo yi yi nga ti dihwa ngu vaxavisi, mabhindu a wukwewu, ni yi va nga ti diha vaxavisi va makha, ni a votshe vafumeli va Arabhiya, ni vathangeli va ditiko da kona.

Ezra 5:1

Se mprofeti Hagayi, ni Zakariya, mwanana wa Idho, va to profeta ka Vajudha vale va nga ti ti zumba Judha, ni Jerusalema; ve profetela ngu ditina da Txizimu txa Israyeli.

Ezra 5:3

Ka yona yile mbimo a tile kwawe Tatenayi, mfumeli wa mtxhatuko ka mnambo, ni Setari-Bhozenayi, ni vangana vakwe va txi ta kha vona: I mani a nga mi ruma kuaka nyumba yiya, ni kuwusa diguma kani?

Ezra 10:18

Se ku to maneka hagari ka vanana va vaphaxeli avale va nga tekana ni vavasikati va mamwani matiko: Ka vanana va Jesuwa, vanana va Jozadhake, ni vanawe: I ku Mahaseya, ni Eliyezeri, ni Jaribhe, ni Gedhaliya.

Hagayi 1:2

A wombisa tiya Mkoma wa Mabutho a Tiyimbi, a khene: Vathu vava va kha vona: Kha yi se hoka mbimo, mbimo yi Nyumba ya Mkoma yi dinganako kuakwa ngu yona.

Hagayi 1:3

Sekoko dipswi da Mkoma, di tile ngu ka mprofeti Hagayi, di txi ta kha dona:

Hagayi 2:21

Womba-womba ka Zorobhabheli mthangeli wa Judha, u txi kha awe: Ni na maha ti taku nzuma ni mafu si txi dekadeka;

Malakiya 1:8

Nguko mi txi tisa txihari txi i ku dibhofu, kasi ku ta phaxa ngu txona, kha ta biha! Ni ku ngako mi txi ningela txo limala, mwendo txo lwala, kha ta biha! Se u txi txi ningela ka mthangeli wako, a na kutsakela kani? Ni ku mwendo a na kuamukela kani? Kuwomba Mkoma wa Mabutho a Tiyimbi.

Hagayi 1:15

ka ditshiku da magumi mambidi ni mune, ka mtxima wa wutxhanu ni wumwewo, ka dilembe da wumbidi da mfumeli Dhariyo.

Zakariya 1:1

Ka mtxima wa wutxhanu ni yiraru ka dilembe da wumbidi da Dhariyo, kutile dipswi da Mkoma ka mprofeti Zakariya, mwana Bharakiya, mwana Idho, di txi kha dona:

Zakariya 3:1

Se Txizimu txi to ni komba Joxuwa, mphaxeli wa hombe, awu a nga ti ti masoni ka Ngelozi ya Mkoma, se Sathani a ti ti ka dianza da txinene da Joxuwa, kasi ku mmangala.