Habhakuki 1:3 - Bhiblia Yo Sawuleka

³ Ngu kutxani u ni wonisako to biha kani? U ni wonisako tingana kani? Nguko kuhoxota ni kuxanisa si masoni kwangu; kambe ku ni wule a wusako dizunga ni mnandu.

Habhakuki 1:3 Referans Kwoze

Jeremiya 20:8

Nguko konkuwa ni wombawombako, na peka huwa; ni peka huwa ngu “kutsindavetwa ni kuhandwa.” Nguko va ni ruketela ngu mhaka ya dipswi da Mkoma, ni ku ni seka dotshe ditshiku.

Ekleziyaste 5:8

Ngako u txi wona kuxaniswa ka sisiwana sa ditiko dokari da hombe, ni kulwiswa, ka wukhalo wa wulamuli ni wululamo, u nga xamale ngu mhaka yo nga eyo; nguko awule a ku txitimwi ngutu kupinda vale va ku txitimwi, wa khatala ngu tona; kambe ku ni vo guleka ngutu kupinda vona.

2 Pedro 2:8

M'thu wuwa wo lulama, ngukuva a txi hanya hagari ka vabihi, a ti ti xaniseka mndani ka mbilu yakwe ya txithavo, ngu mhaka ya wubihi wuwa, ditshiku ni ditshiku, a nga txi wu wona ni ku wu engisa.

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

Ezekhiyele 2:6

Kambe awe mwanana wa m'thu, u nga va thave, hambi kuthava timhaka tawe; mwendo va ti maha sitxhotxhota ni mipa kwako, se awe u zumba ni tihume, u nga thave timhaka tawe, hambi kudhukiswa ngu tikhohe tawe, ngu ku i ku nyumba yo kaneta.

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.

Jeremiya 15:10

Dikhombo kwangu, awe mwamwangu! Ngu kutxani u nga ni veleka, ani m'thu wa mazunga ni kuphikiza ka dotshe ditiko kani? Kha ni se txenekisa txilo ngu mhaka ya dibhindu, vathu kha va ni txeneka txilo; hambi keto, votshe va ni ruketete.

Jeremiya 20:18

Kasi ni humete txani ngu mndani ka mame kani? Titaku ni ta wona mthumo ni xomulo, ni ku masiku angu me gwita ngu tingana kani?

Isaya 5:7

Nguko m'vhinya wa Mkoma wa Mabutho a Tiyimbi ngu nyumba ya ka Israyeli, ni vathu va ka Judha, mndonga wa kona wo tsakisa; a ti ti verete kuve maha wululamo, ku to maneka kukhinyavezwa; wukhaloni ka wululamo, ku to maneka tihuwa.

Isaya 46:12

Ni engiseni anu vo banga timbilu, anu mi ku kule ni wululamo.