Genesisi 9:6 - Bhiblia Yo Sawuleka

⁶ Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.

Genesisi 9:6 Referans Kwoze

Levhi 24:17

Se awule a dayako m'thu, ngu ditshuri a na fa.

Matewu 26:52

Sekoko Jesu a to khene kwakwe: “Tshumeta ditxhari dako msavani ka dona, nguko votshe vale va na kuthumisa ditxhari, va na loviswa ngu ditxhari.

Mtuletelo 13:10

Awu a nga sikelwa ku khotelwani, a na ya ku khotelwani; awu a nga sikelwa kudawa ngu ditxhari, a na fa ngu dona ditxhari. Atiya ngu tona ti tsanisako kuhonisela ni kukholwa ka vasawuleki.

Mitengo 35:33

Ngu maha yeto, kha mi na mbi nyenyezisa ditiko di mi ku ka dona; nguko mnoha wa maha ditiko di nyenyeza; kambe ni wawumwewo mphaxo wa kuthavisa txionho, kha wu na mbi mahwa ngu mhaka ya ditiko, ngu mhaka ya mnoha wu wu no thekela ka dona, hahanze ka mnoha wa wule a nga theketa mnoha wa mmwani m'thu.

Jakobe 3:9

Hi dhumisa ngu lona Txizimu, Tate, kambe hi ruketela ngu lona vathu, va va nga vangwa ka txifananiso txa Txizimu.

Genesisi 5:1

Adiya dibhuku da liveleko la Adhamu. Mbimo yi Txizimu txi nga vanga m'thu, txi mmahile a txi fanana ni Txizimu.

Varoma 13:4

nguko mfumeli njirumwa txa Txizimu, txa ku kuvhuna kumaha ta tinene. Kambe ngako u txi maha to biha, u fanete kuthava, nguko mfumeli kha ñoli ditxhari mahala. Njirumwa txa Txizimu kasi kulamula ni kutsayisa ava va mahako to biha.

Genesisi 4:14

Wa ni tutumisa nyamsi ka ditiko diya; ni kurumetwa kusisala kule ni khohe yako, ni na tsimbila ni txi thava-thava ni kupepeseka ha mafuni, ni wu a no khata ku ni mana, a na ni daya.”

Masalmo 51:4

Ni kuonhete, ngawe wekha ni nga kuonhela, ngu kumaha kubiha ku awe u ku nyenyako. Ngu mhaka yeto, u na ni fanelo ngako u txi ni lamula kambe ti lulamile ngako u txi ni abanisa.

Mitengo 35:25

Se msengeletano wu na hulukisa m'dayi manzani a mphoteli wa mnoha, kambe msengeletano wu na mtshumeta eya ka didhoropa da wuthavelo, amu a nga ti tutumete kona; eya zumba kona an'ze a txifa mphaxeli wa hombe, awu va nga mtota mafura o sawuleka.

Levhi 17:4

hambi i txo va ha txikeni ka ditenda da msengeletano, a si mahi mningelo ka Mkoma, masoni ka wukhalo wo sawuleka wa Mkoma, a na va ni mnandu, ngu kuva a di theketile mnoha; ngu toneto a na va a txi tovelwa hagari ka vathu va ka kwakwe.

1 Vakorinto 11:7

Wamwamna kha faneli ku ti fenengeta msungo, nguko ene njifaniso ni txipfaliso txa Txizimu, kasi wamsikati njipfaliso txa wamwamna.

Genesisi 42:22

Se Rubheni a to va xamula a txi khene: “Kha na mi gela ti to mi nga maheni kubiha ka mnanda wathu, kani? Aniko anu kha ma ni engisa; se wonani, mnoha wakwe wa vilelwa.”

Eksodha 20:13

U nga daye.

Dhewuteronome 5:17

U nga daye.

Valamuli 9:56

Ngu tona eto Txizimu txi nga tshumetelisa tona ka Abhimeleki, wubihi wu a ngawu maha ka tate wakwe, ngu kudaya vanawe va mtxhanu wa magumi ni magumi mambidi.

1 Samuwele 15:33

Aniko Samuwele a to khene: Kufana ni kule ditxhari dako di nga dayela vanana va vavasikati, ngu kumaha keto mwamwako nene a na dawa mwanana wakwe kufana ni vona. Sekoko Samuwele a to gangela Agage masoni ka Mkoma, kona Giligali.

2 Vafumeli 11:16

Se va to mñola, ve tsula nayo m'tini ka mfumeli, ngu nzila ya txike txa mahantxhi, veya m'dayela kona.

Mavingu 28:17

Awu a ti rwekako mnandu ngu kudaya m'thu, a na ya gwitela nawo diphalani, kha nga ho a no muemisa.

Ekleziyaste 3:3

mbimo ya kudaya, ni mbimo ya kuhanyisa; mbimo ya kuhaxula, ni mbimo ya kuaka;

Mitengo 35:16

Ngako a txi dayisa m'thu ngu simbi, a txi fa, m'dayi ngu ditshuri; m'dayi a nafa.

Dhewuteronome 19:11

Ti di ngeto, ngako m'thu wokari a txi maneka a txi phika muakelani wakwe, aha koza a txi m'baramela, a txi mu wukela, e m'daya, se ngu msana a txi thava e tutumela ka dimwedo da madhoropa ale,

2 Samuwele 4:11

se ti na txani ka vabihi vale va nga daya m'thu wo lulama a di ti otelete nyumbani kwakwe ha mbhedhuni; ina koko kha ni na mbi lava mnoha wakwe manzani kwanu, ni mi fuvisa ha mafuni kani?

1 Vafumeli 2:9

Se konkuwa u nga mmahe wo mbi na mnandu, nguko u m'thu u zivako, u na tiziva ati u no mmahela, kasi ku na za wunvi wakwe wu txi na reletwa diphalani ni mnoha.

2 Vafumeli 11:1

Mbimo yile koko Ataliya, mwamwa Akaziya, a nga wona to mwanana wakwe a datwe, a to wuka e lovisa lihunzu la mfumeli.

2 Vafumeli 11:20

Se votshe vathu va ditiko va to tsaka, didhoropa di to humula, msana ka kuva va ti date Ataliya ngu ditxhari, hafuhi ni nyumba ya mfumeli.

2 Makronika 33:24

Se sithumi sakwe si to langana ku mwukela, se si ya m'daya m'tini kwakwe.