Genesisi 9:3 - Bhiblia Yo Sawuleka

³ Sotshe si si tsimbilatsimbilako, si ku ni wutomi, si na va i di sakudya sanu, sotsheso na mi ninga, kufana ni ku ni nga mi ninga sotshe similwa si si hanyako.

Genesisi 9:3 Referans Kwoze

Varoma 14:14

Na tiziva ni va ni kholwa ngu ka Mkoma Jesu, ti to kha ku nga ni txilo txi txi nga mbi basa ngu wutumbu wa txona; ngako m'thu a txi alakanya ku tximaha txokari txi nyenyezile: Kwakwe kha txa basa.

Dhewuteronome 12:15

Kambe madingano ni ti u ti lavako moyani kwako, u nga sikota kudaya txifuyo txako, udya nyama ya kona, ka otshe madhoropa ako, nga ti Mkoma, Txizimu txako, a nga ku katekisisa tona; kasi awu a nga mbi basa ni wu a nga basa, votshe va na dya, nga ti ku dyiswako tona nyama ya mhoti ni ya xangu.

1 Vakorinto 10:31

Ngu toneto, mwendo ma dya, mwendo ma sela, mwendo mi thuma tihi ni tihi, ti maheni ngu moya wa kudhumisa Txizimu.

Vakolosa 2:16

Ngu toneto, m'thu a nga thuke a txi mi abanisa ngu mhaka ya kudya mwendo kusela, mwendo mibuso, kutsakela kumeka ka mtxima mwendo Masabbata.

1 Vakorinto 10:23

“Totshe ta tumeleleka,” aniko hi nga totshe ti vhunako. “Totshe ta tumeleleka,” aniko hi nga totshe ti akako.

Varoma 14:3

Awu a dyako sotshe a nga thuke e tseketsela wu asi dyiko sotshe, se awu nene asi dyiko sotshe, a nga thuke e tseketsela wu a dyako sotshe, nguko, Txizimu txi mu amukete.

Levhi 22:8

A nga thuke a txi dya nyama ya txihari txo ti fela txokha, hambi txo dawa ngu sihari sa txitinga, nguko a nga nyenyeziswa nene: Ani ngani Mkoma!

Varoma 14:20

U nga hasamule mthumo wa Txizimu ngu mhaka ya sakudya. Kha ditshuri sotshe silo si basile; aniko si bihile ngako m'thu a txi dya kambe a txi khuvekisa mmwani.

Varoma 14:17

Nguko Mfumo wa Txizimu hi nga kudya ni kusela; aniko ngu kululama, ni kudikha, ni kutsaka ngu ka Moya wo Sawuleka.

Genesisi 9:2

Sihari sotshe sa ha mafuni, ni sotshe sinyana sa nzuma, ni sotshe si si tsimbilatsimbilako ha mafuni, ni sotshe sihaka sa mu lineneni, si na mi thava ni kudhudhumela. Sona na si ningela manzani kwanu.