Genesisi 9:25 - Bhiblia Yo Sawuleka

²⁵ Se Nowa a to khene: “A na ruketelwe Kanana, ka vanawe a na va khumbi ya tikhumbi!”

Genesisi 9:25 Referans Kwoze

Joxuwa 9:23

Konkuwa koko, mi ruketetwe, kambe kha mi na mbi leka ku va tikhumbi, hambi valavi va tikhuni, mwendo vareki va mati, kasi kuyisa nyumbani ka Txizimu txangu.”

Dhewuteronome 27:16

“Dikhombo di nave ka wule a vengako tate wakwe ni mame wakwe!” Vathu votshe va na womba va txi kha vona: “Amen!”

Johani 8:34

Jesu a to va xamula a txi khene: “Ngu ditshuri, ngu ditshuri, ni khani: Wuhi ni wuhi a mahako txionho, i khumbi ya txionho.

Joxuwa 9:27

Se ka dona ditshiku dile, Joxuwa a va mahile valavi va tikhuni, ni vareki va mati a msengeletano, ni a txiluvelo txa Mkoma, kala ka ditshiku da nyamsi, ka wukhalo wu a nga wu sawula.

Matewu 25:41

Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Dhewuteronome 28:18

Yi na ruketelwa mihando ya mbeleko yako, ni mihando ya thembweni kwako, marole a tihomu tako ni sinvutana sa tinvuta tako.

Genesisi 49:7

Yi na va wuyisele dikhombo tshofu yawe ya kwa mbi dinganiswa, txi na mahe dikhombo txiviti txa wurena wawe. Ani ni na va hangalasa hagari ka ditiko da Israyeli.

Genesisi 9:22

Kame, tate wa Kanana, a woni tate wakwe i di tximbwiri, a to ya zivisa vanawe vavambidi, hahanze.

Genesisi 4:11

Se konkuwa, u ruketetwe ha mafuni, aale ma nga asama txisofu txa ona, kasi kusela ngu manzani kwako, mnoha wa mnanda wako.

Genesisi 3:14

Sekoko Mkoma Txizimu a to khene ka mnyoka: “Ngako u nga maha tiya, u ruketetwe ngutu kupinda sotshe sihari sa txitinga; u na tsimbila ngu dibindi, udya lithulu la mafu, otshe masiku a kuhanya kwako.

Genesisi 9:18

Se vanana va Nowa, va nga huma ngu mu ngalavani, i Semi, Kame ni Jafete. Kame i tate wa Kanana.

Genesisi 9:24

Mbimo yi Nowa a nga wuka ngu kulevani kwakwe, a ti zivile tile mwanana wakwe wam'dotho a nga mmahela.