Genesisi 9:23 - Bhiblia Yo Sawuleka

²³ Sekoko Semi ni Jafete va to teka didhamba, ve di kapeka ha makata kwawe, ve tshuketela tate wawe ngu nyatxisane, veya fenengeta tate wawe tikhohe tawe ti di tshemberekile ti wona phuho. Ngu mhaka yeto, kha va wona wumbwiri wa tate wawe.

Genesisi 9:23 Referans Kwoze

Vagalatiya 6:1

Vanathu, ngako m'thu a txi maneka a di mahile ta walo, anu mi ku vavanene, m'ziviseni kha kwati, na m'thu ni m'thu a txi ti wonela, kufela kunene asi wi mu kudukwani.

Eksodha 20:12

Thava tate wako ni mame wako kasiku masiku ako ma na engetelwa ka ditiko di u nga ningwa ngu Mkoma, Txizimu txako.

1 Pedro 4:8

Ngutu-ngutu, khatalelani kurandana, nguko lirando la fenengeta mtalo wa sionho.

1 Pedro 2:17

Vekani txithavo ka votshe vathu. Randani kuhanyelana. Thavani Txizimu. Thavani mfumeli.

1 Timoti 5:19

U nga amukele mhaka ya kumangalela mthangeli, hahanze ka wufakazi wa vathu vambidi mwendo vararu.

1 Timoti 5:17

Madhota awa ma tsimbitisako ta tinene mthumo wa wuthangeli, ma fanetwe ngu kutshungulwa kambidi, ngutu-ngutu aawa ma thumelako kutxhumayela dipswi ni kugondisa;

1 Timoti 5:1

U nga kawuke ngu mtamo awu i ku wa hombe kwako; aniko mkhongotele nga tate wako; vafana va kawuke nga vananda vako;

Varoma 13:7

Va ningeni votshe asi si va fanelako: Awu a fanelako kuamukela mkhupo mningeni; awu a fanelako kuamukela nduwo, mluveni; awu a fanelako kuxoniphwa, mxonipheni; awu a fanelwako ngu txithavo, mthaveni.

Levhi 19:32

Khukha u txi ema, u komba txithawo ka wule a ku ni msungo wa wunvi, u txi xonipa m'thu wule i ku wa hombe. Thava Txizimu txako: Ani ngani Mkoma.

Genesisi 9:22

Kame, tate wa Kanana, a woni tate wakwe i di tximbwiri, a to ya zivisa vanawe vavambidi, hahanze.

Genesisi 9:24

Mbimo yi Nowa a nga wuka ngu kulevani kwakwe, a ti zivile tile mwanana wakwe wam'dotho a nga mmahela.