Genesisi 9:16 - Bhiblia Yo Sawuleka

¹⁶ Ngako wulaho wa nzumani wu di ha mafuni, ani ni na wu wona, ni txi alakanya mhaka ya Txitumelelano txo mbi guma, atxi txi kuho hagari kwangu ani Txizimu, ni sotshe sivangwa si si hanyako ha mafuni.”

Genesisi 9:16 Referans Kwoze

Jeremiya 32:40

Ni na maha navo txitumelelano txi si gwitelwiko, ati taku kha ni na mbi va tshuralela, ni si leki ku va katekisa; ni veka txithavo txangu timbiluni kwawe, ti taku va si ngadi ve ni tshuralela.

2 Samuwele 23:5

Hambi ku nyumba yangu yi si nga ya mamahelo eyo ka Txizimu, kambe txi mahile txitumelelano txa kwa mbi guma ni nani, txi ka sotshe txi no leletelwa ni kuvekiswa. kotshe kuhulukiswa kwangu ni kutsaka kwangu si na va ka txona, hambi ku asi se kumilisa.

Genesisi 17:19

Txizimu txi to mxamula txi txi kha tona: “Ahim-him msikati wako Sara ngene a no kuvelekela mwanana wa mfana, se awe u na mraya ditina daku i Isaake, ni na emisa Txitumelelano nayo, atxi txi no va Txitumelelano txo mbi guma, kasiku ni va Txizimu txakwe, ni txa lotshe liveleko lakwe, msana kwakwe.”

Genesisi 17:13

Va fanete kuyiswa wukwerani avale va nga velekwa nyumbani, ni vale va nga xawa ngu male. Atxiya ngu txona Txitumelelano txangu txo mbi na magwito, ha mmidi kwanu.

Vahebheru 13:20

Txizimu txa kudikha txi nga kwelisa txitimwi awule txi nga mu wusa ngu ka vafi, ngu mnoha wa txitumelelano txo mbi na magwito, M'dyisi wa hombe wa tinvuta,

Genesisi 17:7

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Genesisi 9:17

Se Txizimu txi to kha txona ka Nowa: “Atxiya njikombiso txa Txitumelelano ni txi mahako hagari kwangu ni sotshe sivangwa so hanya, si kuho ha mafuni.”

Ezekhiyele 34:26

Se ka tona, ni makhalo ma nga randela simangwana, ni na thela kukateka; ni na nisa mati ngu mbimo ya kona; ma nava mati a makatekwa.

Ezekhiyele 37:26

Ni na maha navo txitumelelano txa kuthutha; i nava txitumelelano txa kwa mbi gwita; ni na va tsanisa ni va andisa, ni veka nyumba yangu yo sawuleka hagari kwawe yotshe mbimo.