Genesisi 8:4 - Bhiblia Yo Sawuleka

⁴ Se ka mtxima wa wutxhanu ni yimbidi, ngu ditshiku da wugumi ni mtxhanu ni mambidi ka mtxima, ngalava yi to ya txhekama txitimwi ka mmango wa Ararati.

Genesisi 8:4 Referans Kwoze

Jeremiya 51:27

Gwimbani m'jeke amu ditikoni, vetani mpundu hagari ka matiko, sawulekisani matiko o wukela ene, kujetelani ti to yi txi mlwisa mifumo ya Ararati, Mini ni Asikenazi; rumani mthangeli wa yimbi a txi ya mu wukela, kwelisani mahantxhi nga tindata.

Isaya 37:38

Se ku to maheka taku, na a di namile nyumbani ka Nisiroke, txizimu txakwe, vanana vakwe i ku Adrameleki ni Saresari, va to m'daya ngu ditxhari; se va to tutuma veya ditikoni ka Ararati. Esari-Hadhomi, mmweyo wa vanana vakwe, a to fuma ka wukhalo wa tate wakwe.

2 Vafumeli 19:37

Mbimo yile a nga ti namile nyumbani ka txizimu txakwe Nisiroke, vanana va kona i ku Adrameleki ni Saresari, va to m'daya ngu ditxhari; hambi keto, va to thavela ditikoni ka Ararati; se mwanana wa kona Esari-Hadhomi, a to fuma ka wukhalo wakwe.

Genesisi 7:20

Mati ma to kukumuka, me manela digumi da mikono ni mtxhanu; se yi fenengetwa mimango.

Genesisi 8:5

Se mati ma to ya masoni ngu kuphwa, an'ze ka mtxima wa wugumi; ka ditshiku do khata ka mtxima wa wugumi, ku to woneka txitimwi ka mimango.