Genesisi 8:18 - Bhiblia Yo Sawuleka

¹⁸ Sekoko Nowa a to huma, ni vanana vakwe, ni msikati wakwe, ni vasikati va vanana vakwe.

Genesisi 8:18 Referans Kwoze

Masalmo 121:8

Mkoma a na kuvhikela u txi wulela ni kuhumani kwako, kukhukhela konkuwa kala kupinduka.

1 Pedro 3:20

avale kale ka masiku a Nowa, va nga mbi va ni kuengisisa, mbimo yi Txizimu, ngu kuhonisela ka txona, txi nga verela kuakwa ka ngalava, ayi vathu vavadotho, (va mtxhanu ni vararu) va nga ti hanyisa ngu yona, txitimwi ka mati.

Genesisi 8:17

Sotshe sihari si si ku kumweko ni nawe, sotshe si i ku nyama, sinyana, sifuyo, ni sotshe si si tsimbilako ngu dibindi ha mafuni, huma naso, si na velekele ha mafuni, si na veke mihando, si na ande ha mafuni.”

Genesisi 8:19

Sotshe sihari, sotshe so tsimbila ngu dibindi, sotshe sinyana, ni sotshe si si kasako ha mafuni, si to huma ngalavani, ngu tixaka ta sona.

Genesisi 7:23

Ngu kumaha keto, si fuvisilwe sotshe sivangwa so hanya ha mafuni, vathu, sihari, so tsimbila ngu dibindi, ni sinyana sa nzuma; si fuvisilwe ha mafuni; ku to sala Nowa dwe, ni sotshe si a nga ti naso ngalavani.