Genesisi 7:4 - Bhiblia Yo Sawuleka

⁴ Nguko, ku di pindile mtxhanu wa masiku ni mambidi, ni na maha ti to mndani ka mune wa magumi a masiku, ku txi wa mati wusiku ni mitshikari, kasi ku ni na lovisa ha mafuni sotshe sivangwa si ni nga si maha.”

Genesisi 7:4 Referans Kwoze

Genesisi 7:17

Se mndani ka mune wa magumi a masiku, ku to va ndambi ha mafuni; mati ma to kukumuka me guleta ngalava, yi a maneka yi di txitimwi ka mafu.

Genesisi 7:12

Mndani ka mune wa magumi a masiku, ku to wa mati ha mafuni, wusiku ni mitshikari.

Genesisi 6:17

Nguko ni na wuyisa ndambi ya mati ha ditikoni, a ha ku no tala, ku na fuviswa hahatshi ka nzuma sotshe sivangwa si si hanyako, asi si ku ni muhefemulo wa wutomi. Sotshe si si kuho mafuni, si na fuva.

Genesisi 6:13

Sekoko Txizimu txi to kha txona ka Nowa: “Ni lava kufuvisa votshe vathu, nguko mafu ma tate ngu wubihi, ngu mhaka yawe. Ni na va fuvisa, kumweko ni mafu.

Genesisi 6:7

Se Mkoma a ti khene: “Ni na fuvisa txitimwi ka mafu, m'thu wu ni nga mmaha, ni fuvisa kambe sihari, ni sihari so tsimbila ngu dibindi, ni sinyana sa nzumani; nguko na ti laya ngu kuva ni di si mahile.”

Masalmo 69:28

Va pfhute mu ka dibhuku dako da wutomi! U nga va veke mu ka mtengo wa vo lulama!

Mtuletelo 3:5

Awu a xulako a na ambala siamlalo so basa, se ani kha ni na mbi thuka ni pfhuta ditina dakwe dibhukuni ka wutomi. Ni na nuwela ditina dakwe masoni ka Tate wangu ni ka tingelozi takwe.

Amosi 4:7

Hahandze keto, ni mi vhalete nzuma, ku txi ngadi kupwateka mitxima yiraru kuhoka mbimo yo funyela; ni yi nisile ka didhoropa dimwedo ka dimwani ni ka yi nisa; ka thembwe yimweyo yi nite, aniko ka yimwani thembwe kha ya na, kuomile.

Jobe 28:25

Mbimo yile txi nga ninga mtamo ka moya, se txi teka tipimo ta mati txi veketela;

Jobe 22:16

Vona va thavisilwe ku si se hoka mbimo yawe; ndambi yi to thekela txitimwi ka sitsaniso sawe.

Genesisi 8:12

Sekoko ene a to engeta e rinzela mtxhanu wa masiku ni mambidi, e humisa kambe txituvani, aniko kha txa tshumela txi wuya kwakwe.

Genesisi 7:10

Se ku to maheka taku, ku di pindile mtxhanu wa masiku ni mambidi, mati a ndambi ma to khata kutala ha mafuni.

Genesisi 8:10

Aniko Nowa a to engeta e rinzela mtxhanu wa masiku ni mambidi, a to humisa kambe txituvani hahanze ka ngalava.

Genesisi 6:3

Sekoko, Mkoma a to khene: “Moya wangu kha wu na mbi zumba yotshe mbimo ka m'thu, nguko m'thu i nyama, ni masiku akwe kha ma na mbi pinda 120 wa malembe.”

Genesisi 2:5

kukhukhela ku ti si nga ho mndonga ni wawumwewo ha mafuni, hambi ni mwasi wu ti sanzi kumila, nguko Mkoma Txizimu, a ti sanzi kunisa mati ha mafuni, ni kambe ku ti si nga ho m'thu wo dima mafu.

Genesisi 7:3

Kambe ka sinyana sa nzuma, u na teka mtxhanu wa mipatwa ni yimbidi, matune ni mkati, u veketa lixaka la sona kotshe ha mafuni.

Genesisi 8:2

Minambo ya kuhuma hahatshi ka mafu yi to ema kukhulunga; mafasitela a nzumani me vhaleka; se mati a nzuma ma to leka kuwa.

Jeremiya 28:16

Ngu konaho, Mkoma a khene: Ni na kuthavisa ha mafuni, u na fa ka dona dilembe diya, nguko u wommbawombile ngu kukaneta, u txi wukela Mkoma.