Genesisi 7:23 - Bhiblia Yo Sawuleka

²³ Ngu kumaha keto, si fuvisilwe sotshe sivangwa so hanya ha mafuni, vathu, sihari, so tsimbila ngu dibindi, ni sinyana sa nzuma; si fuvisilwe ha mafuni; ku to sala Nowa dwe, ni sotshe si a nga ti naso ngalavani.

Genesisi 7:23 Referans Kwoze

2 Pedro 2:5

kufana ni toneto Txizimu kha txa divalela kambe vathu va kale. Aniko, mbimo yi txi nga wuyisa ndambi txitimwi ka vathu va kuonha, txi to ponisa Nowa dwe, mruruteli wa wululamo, kumweko ni mtxhanu wa vathu ni vambidi va nga sala nayo.

1 Pedro 3:20

avale kale ka masiku a Nowa, va nga mbi va ni kuengisisa, mbimo yi Txizimu, ngu kuhonisela ka txona, txi nga verela kuakwa ka ngalava, ayi vathu vavadotho, (va mtxhanu ni vararu) va nga ti hanyisa ngu yona, txitimwi ka mati.

Vahebheru 11:7

Ngu likholo, Nowa, a di zivisilwe ngu Nyatxitimwi timhaka tile ti nga sinzi kuwoneka, a vekete lisima txiziviso txiya, a txi aka Ngalava kasi kuponisa ngamu yakwe. Ngu mhaka ya toneto, a abanisile ditiko, a txi amukela kululama kuwa ku manwako ngu likholo.

2 Pedro 3:6

Ni tito: Ngu mhaka ya toneto, ditiko da yoneyo mbimo di fuvile ngu kumitwa ngu ndambi.

Matewu 25:46

Se avava va na tsula kutsayiswani ko mbi guma; ani valulami va na yiswa ka wutomi wo mbi guma.”

2 Pedro 2:9

Atiya ti womba ti to Mkoma wa sikota kuponisa vathu va wukhongeli ni kuveketa ava vo biha kasi ve ta tsayiswa ngu ditshiku do lamulwa;

Mavingu 11:4

Thomba kha yi na txivhuno ka ditshiku da kuhenya ka Mkoma, aniko kululama ka txhatxhisa kufani.

Masalmo 91:1

Awule a zumbako kusisalani ka Nyatxitimwi a na humula mtsudini ka Nyamitamo,

Jobe 5:19

Ka mtxhanu wa makhati a kuxaniseka txi na kutxhatxhisa, da wutxhanu ni mambidi wubihi kha wu na mbi kugwesa.

Masalmo 91:7

1.000 wa vathu va na wa didhawa kwako, ni 10.000 txinene kwako, aniko awe khu na mbi hokelwa.

Genesisi 6:17

Nguko ni na wuyisa ndambi ya mati ha ditikoni, a ha ku no tala, ku na fuviswa hahatshi ka nzuma sotshe sivangwa si si hanyako, asi si ku ni muhefemulo wa wutomi. Sotshe si si kuho mafuni, si na fuva.

Genesisi 8:18

Sekoko Nowa a to huma, ni vanana vakwe, ni msikati wakwe, ni vasikati va vanana vakwe.