Genesisi 7:21 - Bhiblia Yo Sawuleka

²¹ Se ku to lova sotshe si i ku nyama yi yi tsimbilatsimbilako txitimwi ka mafu, i ku sinyana, sifuyo, sihari sa txitinga, ni sotshe si si tsimbilako ngu dibindi txitimwi ka mafu, ni vathu votshe.

Genesisi 7:21 Referans Kwoze

Genesisi 6:13

Sekoko Txizimu txi to kha txona ka Nowa: “Ni lava kufuvisa votshe vathu, nguko mafu ma tate ngu wubihi, ngu mhaka yawe. Ni na va fuvisa, kumweko ni mafu.

Genesisi 7:4

Nguko, ku di pindile mtxhanu wa masiku ni mambidi, ni na maha ti to mndani ka mune wa magumi a masiku, ku txi wa mati wusiku ni mitshikari, kasi ku ni na lovisa ha mafuni sotshe sivangwa si ni nga si maha.”

Genesisi 6:17

Nguko ni na wuyisa ndambi ya mati ha ditikoni, a ha ku no tala, ku na fuviswa hahatshi ka nzuma sotshe sivangwa si si hanyako, asi si ku ni muhefemulo wa wutomi. Sotshe si si kuho mafuni, si na fuva.

Varoma 8:20

Nguko sotshe si vekilwe hahatshi ka sixaniso sa ditiko, i si nga ngu kuranda ka sona, aniko ngu mhaka ya wule a nga si veka hahatshi; hambi keto, txi ho txithembo txa tito:

2 Pedro 2:5

kufana ni toneto Txizimu kha txa divalela kambe vathu va kale. Aniko, mbimo yi txi nga wuyisa ndambi txitimwi ka vathu va kuonha, txi to ponisa Nowa dwe, mruruteli wa wululamo, kumweko ni mtxhanu wa vathu ni vambidi va nga sala nayo.

Varoma 8:22

Nguko ha tiziva ngu kutsanisa tito, kala ditshiku da nyamsi, sotshe sivangwa sa keta ni kukuma, nga kule ka wamsikati wu a lumwako.

Luka 17:27

Va ti ti dya, ve sela, ve teka ni kutekwa, ku txi za kuhoka ditshiku di Nowa a nga wulela ngalavani, se ndambi yi txi hoka, yi va daya votshelele.

Matewu 24:39

kha va pimisa txilo, kala ku txi hoka ndambi, yi nga khukhula votshe. Ina, ti na mahisa toneto ngu kuwuya ka Mwanana wa M'thu.”

Zefaniya 1:3

Ni na fuvisa vathu ni sihari, ni na fuvisa sinyana sa nzuma ni sihaka sa linene, ni sikhunguvanyiso sa va wubihi; kambe ni na fuvisa vathu txitimwi ka mafu, kuwomba Mkoma.

Joyeli 2:3

Masoni kwawe mndilo wa tshokomisa; se msana kwawe dituro da hisa; ditiko masoni kwakwe di fana ni thembwe ya Edheni, kambe msana kwakwe njiwula txo thisa; ina, kha ku na mbi huluka txilo.

Hoseya 4:3

Ngu kumaha keto, ditiko di na dila, ni wuhi wule a zumbako ka dona a na guma mtamo, ni sihari sa txitinga ni sinyana sa nzumani; hambi sihaka sa linene si na loviswa.

Isaya 24:19

Mafu otshe ma na bhandelelwa, otshe ma na abaneka ngu hagari, se otshe mafu ma na zinginika.

Isaya 24:6

Ngu mhaka yeto, txiruko txa heta mafu, se avale va hanyako ka ona, va na koneka; ngu mhaka yeto, vaaki va ha mafuni, va na hiswa, mbadotho ava va no sala.

Genesisi 1:25

Se Txizimu txi to vanga sihari sa txitinga, ngu tixaka ta sona, ni sifuyo ngu tixaka ta sona, ni sotshe si si tsimbilako ngu dibindi ha mafuni, ngu tixaka ta sona. Se Txizimu txi to wona ti to ndinene.

Jobe 34:15

yotshe nyama yi ndi na patana yi txi fa, se m'thu a ndi na tshumelela lithuluni.