Genesisi 7:2 - Bhiblia Yo Sawuleka

² Ka sotshe sihari so sawuleka, u na teka mtxhanu wa mipatwa ni yimbidi, matune ni mkati wa txihari ni txihari; ka sihari so mbi sawuleka, u na teka mpatwa wumwewo, matune ni mkati.

Genesisi 7:2 Referans Kwoze

Levhi 10:10

Ngu toneto, mi na sikota kuhambanisa atxi i ku txo sawuleka ni txo mbi sawuleka, ni txi i ku txo yila ni txo mbi yila,

Genesisi 8:20

Nowa a to akela Txizimu txiluvelo, e teka sihari sokari ka sotshe so sawuleka, ni ka sotshe sinyana so sawuleka, a txi maha mningelo wo hiswa ha txiluveloni.

Genesisi 7:8

Ka sihari so sawuleka ni ka sihari so mbi sawuleka, ka sinyana ni ka sotshe si si tsimbilako ngu dibindi ha mafuni,

Ezekhiyele 44:23

Se vaphaxeli va na gondisa vathu vangu, kuhambanisa hagari ka kusawuleka ni kunyenyeza, ni kuhambanisa kusawuleka ni kwa mbi sawuleka.

Genesisi 7:3

Kambe ka sinyana sa nzuma, u na teka mtxhanu wa mipatwa ni yimbidi, matune ni mkati, u veketa lixaka la sona kotshe ha mafuni.