Genesisi 7:16 - Bhiblia Yo Sawuleka

¹⁶ Se si to wulela kumweko ni Nowa, matune ni mkati, ka sotshe si i ku sa nyama, nga ti Txizimu txi nga ti leletile ka Nowa; se Mkoma a to seka ditimba da ngalava ngu hahanze.

Genesisi 7:16 Referans Kwoze

Luka 13:25

Nyamne wa m'ti a na khukha a txi seka ditimba, se anu mi na sala hahanze, mi txi gogota ditimba, mi txi khanu: ‘Mkoma, hi tulele!’

Matewu 25:10

Ngako tona ti di tsute kuxavani ka mafura, mteki a to bwaka, se atile ti nga ti ti lulamisete, ti to wulela nayo m'busoni ka mtxhadho; se di sekwa ditimba.

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

Masalmo 46:2

Ngu toneto, kha hi thavi txilo, hambi mafu ma txi dekadekiswa, hambi mimango yi txi mitwa ngu linene.

Dhewuteronome 33:27

Txizimu txa yotshe mbimo, mbuthavelo wako. Mawoko a txona nzivhuno sako kala kupinduka; txona txo tovela valala masoni kwako, txi txi kha txona: Va lovise!

Mavingu 3:23

Sekoko u na tsimbila ngu kutsana nzilani kwako, kambe kha wu na mbi gutwa mkondo wako.

Genesisi 7:15

Ni yotshe nyama ayi yi nga ti ti ni moya wa kuhanya, si to wulela ngu simbidi-simbidi kumweko ni Nowa, amu ngalavani.

Genesisi 7:17

Se mndani ka mune wa magumi a masiku, ku to va ndambi ha mafuni; mati ma to kukumuka me guleta ngalava, yi a maneka yi di txitimwi ka mafu.

Genesisi 7:5

Se Nowa a to maha totshe madingano ni ti Mkoma Txizimu a nga ti mleletete.

Genesisi 7:9

ku vile ni sihari si si nga wulela ngalavani ni Nowa, ngu simbidi-simbidi, matune ni mkati, nga ti Txizimu txi nga leletisa tona ka Nowa.

Jobe 12:14

Wona taku txi txi khundumusa, kha ku aketwi; ni ka wule txi mtsivelako kha ku na mbi tulwa.