Genesisi 7:14 - Bhiblia Yo Sawuleka

¹⁴ Vona, ni sotshe sihari ngu tixaka ta sona, ni sotshe sifuyo ngu tixaka ta sona, ni sotshe sihari so tsimbila ngu dibindi txitimwi ka mafuni ngu tixaka ta sona, ni sotshe sinyana sa hombe sa totshe tixaka.

Genesisi 7:14 Referans Kwoze

Genesisi 1:21

Se Txizimu txi to vanga vanyamrikidi, ni sotshe so hanya so tsimbila ngu dibindi, sasingi ngutu, si nga maneka matini, ngu kuhambana ka sona, ni sotshe sinyana si si ku ni tibhapi, ngu tixaka ta sona. Se Txizimu txi to wona ti to ndinene.

Genesisi 1:24

Se Txizimu txi to kha txona: “Mafu ma na humise sivangwa so hanya, ngu tihunzu ta sona; sifuyo, ni si si tsimbilako ngu dibindi, ni sihari sa txitinga, ngu tixaka ta sona.” Se tona eto ti to maheka.

Genesisi 6:19

Ni ka sotshe si si hanyako, ni ka sotshe si i ku nyama, u na teka simbidi-simbidi, matune ni mkati, u txi wulela naso mu ngalavani, kasi ku si hulukisa, si txi hanya kumweko ni nawe.

Genesisi 7:13

Se ka dona ditshikwedo da dimwedo, Nowa ni vanana vakwe, Semi, Kame ni Jafete, msikati wakwe Nowa ni vasikati vararu va vanana vakwe, va to wulela ngalavani.

Genesisi 7:15

Ni yotshe nyama ayi yi nga ti ti ni moya wa kuhanya, si to wulela ngu simbidi-simbidi kumweko ni Nowa, amu ngalavani.