Genesisi 7:13 - Bhiblia Yo Sawuleka

¹³ Se ka dona ditshikwedo da dimwedo, Nowa ni vanana vakwe, Semi, Kame ni Jafete, msikati wakwe Nowa ni vasikati vararu va vanana vakwe, va to wulela ngalavani.

Genesisi 7:13 Referans Kwoze

Genesisi 7:1

Msana keto, Mkoma a to khene ka Nowa: “Wulela ngalavani, awe ni mwaya wako, nguko ngawe wekha wo lulama ni kuwonako masoni kwangu, ka liveleko liya.

Genesisi 6:18

Ni na maha txitumelelano txangu ni nawe; se u na wulela ngalavani awe ni vanana vako, ni msikati wako, ni vasikati va vanana vako.

2 Pedro 2:5

kufana ni toneto Txizimu kha txa divalela kambe vathu va kale. Aniko, mbimo yi txi nga wuyisa ndambi txitimwi ka vathu va kuonha, txi to ponisa Nowa dwe, mruruteli wa wululamo, kumweko ni mtxhanu wa vathu ni vambidi va nga sala nayo.

1 Pedro 3:20

avale kale ka masiku a Nowa, va nga mbi va ni kuengisisa, mbimo yi Txizimu, ngu kuhonisela ka txona, txi nga verela kuakwa ka ngalava, ayi vathu vavadotho, (va mtxhanu ni vararu) va nga ti hanyisa ngu yona, txitimwi ka mati.

Vahebheru 11:7

Ngu likholo, Nowa, a di zivisilwe ngu Nyatxitimwi timhaka tile ti nga sinzi kuwoneka, a vekete lisima txiziviso txiya, a txi aka Ngalava kasi kuponisa ngamu yakwe. Ngu mhaka ya toneto, a abanisile ditiko, a txi amukela kululama kuwa ku manwako ngu likholo.

Genesisi 10:21

Se ngu ka Semi, ku to velekwa vanana, ngene tate wa votshe Vahebheru, kambe ene mkomwa Jafete.

Genesisi 10:6

Vanana va Kame ngu vava: Kuxe, ni Mesirayime, ni Pute, ni Kanana.

Genesisi 6:10

Nowa a velekile vanana vararu va majaha: Semi, Kame ni Jafete.

Genesisi 5:32

Nowa a di ni 500 wa malembe, a to veleka Semi, Kame ni Jafete.

Genesisi 7:14

Vona, ni sotshe sihari ngu tixaka ta sona, ni sotshe sifuyo ngu tixaka ta sona, ni sotshe sihari so tsimbila ngu dibindi txitimwi ka mafuni ngu tixaka ta sona, ni sotshe sinyana sa hombe sa totshe tixaka.

Genesisi 8:14

Ka ditshiku da wugumi ni mambidi, ka mtxima wa wumbidi, mati ma to maneka ma di phwite.

Valamuli 21:22

Se ngako vatate vawe mwendo tindiya tawe va txi ta mi henyela, athu hi na va gela ku khathu: “Nguko hi randa kwanu, va pfeleni wusiwana, nguko ka yimbi yiya, kha ha teka vavasikati vo dingana mmweyo ni mmweyo vawe, nguko anu kha ma va ninga, ka kuza anu mi mana mnandu.”