Genesisi 7:11 - Bhiblia Yo Sawuleka

¹¹ Ka dilembe diya Nowa a nga tshanganisa 600 wa malembe, a kuhanya kwakwe, ka ditshiku da wugumi ni mtxhanu ni mambidi, ka mtxima wa wumbidi, ku to khulunga mati a minambo yotshe ya kueta ka hahatshi ka mafu, ni mafasitela a nzumani ma to tuleka.

Genesisi 7:11 Referans Kwoze

Genesisi 8:2

Minambo ya kuhuma hahatshi ka mafu yi to ema kukhulunga; mafasitela a nzumani me vhaleka; se mati a nzuma ma to leka kuwa.

Malakiya 3:10

Tisani sotshe sa wugumi ka nyumba ya wuxayiselo, ti to ku nava ni sakudya nyumbani kwangu, se ngu kumaha keto ni duketeni, kuwomba Mkoma wa Mabutho a Tiyimbi, ku mwendo na mbi mi tulela mafasitela a nzumani, ni mi tshakunutela makatekwa o tala, aya mi no pwata ni ko thela kona.

Jeremiya 51:16

A txi pfalisa dipswi ngu kudhinda ka hombe ka mati nzumani, ni tihunguva, kukhukhela magwito ka mafu: Wa maha kukeluka ma txi wa mati, ni kuhumisa moya ngu mu wu zumbako kona.

Jeremiya 5:22

Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda.

2 Vafumeli 7:19

Se mthangeli wule wa yimbi a to xamula ka m'thu wa Txizimu, a txi khene: Hambi i ti ku Mkoma o tula mafasitela nzumani, ina ti da maheka nga toneto kani? Se m'thu wa Txizimu a ti nga khene: U na ti wona ngu maso ako, sekoko ngu toneto khu na mbi dya.

Ezekhiyele 26:19

Nguko Mkoma Txizimu a khene: Mbimo yi ni no kumaha didhoropa da dirumbi, nga madhoropa ale ma kuwalo vo zumba, aha ni no maha kuhokoma kwako, se mati o tala ma txi kumita,

Masalmo 33:7

A tshanganisile mati a linene ka wukhalo wumwewo; minambo ni maziva ka makhalo ya kona.

2 Vafumeli 7:2

Sekoko mthangeli wa yimbi awule a nga ti sanzekile kwakwe diwoko mfumeli, a to xamula ka Elixa, m'thu wa Txizimu, a txi khene: Hambi i ti ku Mkoma o maha mafasitela nzumani, ti ndi na maheka toneto kani? Se Elixa a to khene: Sekoko u na ti wona ngu maso ako, hambi keto kukhukhela ka koneho khu na mbi dya.

Genesisi 1:7

Se Txizimu txi mahile mpfhuka, txi hambanisa mati a hahatshi ka mpfhuka, ni mati a txitimwi ka mpfhuka. Se eto ti to maheka.

Matewu 24:38

Ka masiku ale, ku sinzi kumaheka ndambi, va ti ti dya ve sela, va txi teka ni kutekwa, kala ka ditshiku di Nowa a nga wulela mu ka ngalava;

Isaya 24:19

Mafu otshe ma na bhandelelwa, otshe ma na abaneka ngu hagari, se otshe mafu ma na zinginika.

Masalmo 74:15

U khulongisile sisima ni milonga u txi womisa minambo ya mati a mtamo.

Genesisi 6:17

Nguko ni na wuyisa ndambi ya mati ha ditikoni, a ha ku no tala, ku na fuviswa hahatshi ka nzuma sotshe sivangwa si si hanyako, asi si ku ni muhefemulo wa wutomi. Sotshe si si kuho mafuni, si na fuva.

Jobe 28:4

Txinambwana txa thekelela, kala hafuhi ka wule a zumbako hafuhi natxo, aha ko kha ti koteki kutxhatuka ngu mikondo; sekoko, m'thu wa jikisa mati me tsula.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

2 Pedro 3:6

Ni tito: Ngu mhaka ya toneto, ditiko da yoneyo mbimo di fuvile ngu kumitwa ngu ndambi.

Genesisi 7:6

Se Nowa i ti ti wa tanga ya 600 wa malembe, mbimo yi ku nga maheka ndambi ya mati ha mafuni.

Jobe 12:15

Txizimu txa emisa mati, ku txi oma; se txi txi ma tulela, ma onhetela mafu.

Jobe 38:16

Niku mwendo awe u wulete kala makhatoni ka linene, mwendo u hokile kutshimani ka hombe ngutu kani?

Mavingu 3:20

Ngu wuzivi wakwe, ku tulekile kuhokoma, se ni marefu ma tshatshela mwando.

Isaya 24:18

Se ku na maheka taku, wule a no tutuma ngu mhaka ya dipswi do dhukisa, a na wela diphalani; ni wule a no huma ngu diphalani, mlawu, wu na m'bzweta; nguko mafasitela a txitimwi ma tulekile, ni makhato a mafu ma zinginika.

Genesisi 8:14

Ka ditshiku da wugumi ni mambidi, ka mtxima wa wumbidi, mati ma to maneka ma di phwite.

Jobe 38:37

I mani a ku ni wutxhari wo balela marefu kani? Mwendo misava ya nzumani yi nga kwitimiswa ngu mani,