Genesisi 6:9 - Bhiblia Yo Sawuleka

⁹ Ayiya i xawutelo ya liveleko la Nowa. Nowa i ti m'thu wamnene, i ti wa ditshuri hagari ka vathu va mbimo yakwe, kambe a ti ti tsimbila kumweko ni Txizimu yotshe mbimo.

Genesisi 6:9 Referans Kwoze

Luka 1:6

I ti vathu vo lulama ngu wumbidi wawe masoni ka Txizimu, va txi veketa va si solwi ngu m'thu, sotshe sirumo ni milayo ya Mkoma.

Vahebheru 11:7

Ngu likholo, Nowa, a di zivisilwe ngu Nyatxitimwi timhaka tile ti nga sinzi kuwoneka, a vekete lisima txiziviso txiya, a txi aka Ngalava kasi kuponisa ngamu yakwe. Ngu mhaka ya toneto, a abanisile ditiko, a txi amukela kululama kuwa ku manwako ngu likholo.

2 Pedro 2:5

kufana ni toneto Txizimu kha txa divalela kambe vathu va kale. Aniko, mbimo yi txi nga wuyisa ndambi txitimwi ka vathu va kuonha, txi to ponisa Nowa dwe, mruruteli wa wululamo, kumweko ni mtxhanu wa vathu ni vambidi va nga sala nayo.

Genesisi 7:1

Msana keto, Mkoma a to khene ka Nowa: “Wulela ngalavani, awe ni mwaya wako, nguko ngawe wekha wo lulama ni kuwonako masoni kwangu, ka liveleko liya.

Genesisi 5:24

Se Enoki a tsimbite kumweko ni Txizimu; se kha wonwa kambe aniko, Txizimu txi ti tekete ene.

Vagalatiya 3:11

Ti ha kubasani tito, ngu mhaka ya Mlayo, awalo wu a no va a di lulamile masoni ka Txizimu, nguko ti bhatwe va txi kha vona: “Awule i ku wo lulama, ngu kukholwa a na hanya.”

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Genesisi 5:22

Ngu msana ka kuvelekwa ka Metusela, Enoki a to tsimbila kumweko ni Txizimu 300 wa malembe, e veleka mazambi ni mahorana.

Ezekhiyele 14:14

hambi va ti ko vaho hagari ka ditiko vavamna vava vavararu i ku Nowa, Dhaniyele ni Jobe, vona ngu kululama kwawe, va ndi na hulukisa mihefemulo yawe dwe, kuwomba Mkoma Txizimu.

Jobe 1:1

Ku ti ti ni wamwamna wokari ditikoni ka Uzi, ditina dakwe i ti ti Jobe; ene i ti wamwamna wa ditshuri, wo lulama, ni txithavo ka Txizimu; ni kuvayilela wubihi.

Genesisi 2:4

Aawa ngu ona makhato a nzuma ni mafu, mbimo yi Txizimu, txi nga si vanga; ka ditshiku dile Mkoma Txizimu a nga vanga nzuma ni mafu,

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

Ekleziyaste 7:20

Ngu ditshuri kha ku na m'thu wo lulama txitimwi ka mafu, wo maha ta tinene, asi dhukiko e onha.

Mithumo 10:22

Vona va to xamula, va txi kha vona: “Korneliyo, mthangeli wa dizana, awu i ku wamwamna wo lulama, a di ni txithavo ka Txizimu, awu a dhumiswako ngu dotshe ditiko da Judha, a leletilwe ngu ngelozi ya kusawuleka ya Txizimu, ku ta kudhana u ya m'tini kwakwe, kasi kuya engisa ti u no ya mu gela tona.”

Ezekhiyele 14:20

hambi i di ku ngako Nowa ni Dhaniyele ni Jobe na va diho hagari ka dona, na hanya ani, kuwomba Mkoma Txizimu, va si hulukisi mwanana hambi wa dijaha mwendo wa muhorana, aniko va ndi na hanyisa mihefemulo yawe vapune dwe, ngu kululama kwawe.

Jobe 1:8

Se Mkoma a to khene ka Sathani: Ina u woni txithumi txangu Jobe kani? Nguko kha ngaho mmwani ha mafuni wo fana nayo, wamwamna wa ditshuri ni kululama, wo thava Txizimu, wo vayilela wubihi.

Varoma 1:17

Nguko kululama ka Txizimu ku wonekelisilwe ka yona, kuhuma amu ka likholo, ku txi yisa likholoni, madingano ni ti ti nga bhalwa taku: “Awu a nga mahwa mlulami ngu likholo, a na hanya.”

Luka 23:50

Ku ti ti ho wamwamna, a nga ti dhanwa ku i Josefa, i nga ti txihango txa Dibanza, m'thu wamnene, na a di lulamile,

Luka 2:25

A ti ti ho m'thu Jerusalema a nga txi dhanwa ku i Simiyoni. Ene i ti wa kululama ni kutiningetela ka wukhongeli. Ene a ti ti rinzela kuthavelelwa ka Israweli, se Moya wo Sawuleka wu ti ti ni nene.

Habhakuki 2:4

Wona taku, muhefemulo wakwe wa kukumuka, kha wu thuthi mndani kwakwe; aniko mlulami a na hanya ngu likholo lakwe.

Mavingu 4:18

Aniko nzila ya vo lulama yi fana ni kuwoninga ka wuronga, ku woningako kambe ni kambe diza di hetiseka kutxa.

Masalmo 37:37

Wona m'thu wo thaviseka, wonisisa m'thu wo lulama; m'thu wo dikha a na va ni vatukulu.

2 Makronika 15:17

Makhalo o guleka kha ma thaviswa ditikoni da Israyeli, Asa a to va wo lulama ka masiku akwe otshe.

Genesisi 48:15

Se Israyeli a to katekisa Josefa, a txi khene: Txizimu txi va nga tsimbila masoni ka txona vatate vangu Abrahamu ni Isaake Txizimu txi i ku m'dyisi wangu kukhukhela ni txi velekwa kala ditshiku da nyamsi,

Jobe 12:4

Ani ni txisekiso ka vangana vangu; ani na dhana Txizimu, se txona txa ni xamula; wamnene ni wo lulama vo maha sisekiso.

1 Vafumeli 3:6

Se Solomoni a to khene: Awe u thumisile txithumi txako Dhavhidha, tate wangu, ngu kukateka ka hombe, ngako ene a nga tsimbila ni nawe ngu ditshuri, ni nongameto, ni kululama ka mbilu, masoni kwako; se u m'vekete txikatekiso txa hombe, u mningile mwanana wu a no khalahatsha ha txikhaloni kwako ka wukoma, nga ti ti wonekako ka masiku awa.

2 Makronika 25:2

Amaziya a mahile to lulama masoni ka Mkoma, hambiko a nga mbi maha ngu mbilu yakwe yotshe.

Genesisi 10:1

Atiya koko ndiveleko ta vanana va Nowa, Semi, Kame ni Jafete; ngu ka vona ku velekilwe vanana msana ka ndambi.

Genesisi 5:1

Adiya dibhuku da liveleko la Adhamu. Mbimo yi Txizimu txi nga vanga m'thu, txi mmahile a txi fanana ni Txizimu.

Genesisi 6:10

Nowa a velekile vanana vararu va majaha: Semi, Kame ni Jafete.

Dhewuteronome 18:13

U na va wo hetiseka, kufana ni Mkoma Txizimu txako.

2 Samuwele 22:24

Kambe ni vi m'thu wa ditshuri masoni kwakwe, aniko ni tivhikela ka tinzila to biha.

Masalmo 37:39

Kuhanyiswa ka valulami kuta ngu ka Mkoma, ngene wuthavelo wawe ka timbimo ta sikarato.