Genesisi 6:6 - Bhiblia Yo Sawuleka

⁶ Sekoko Mkoma Txizimu, a to ti laya ngu kuva a di mahile m'thu ha mafuni, se a to pandiseka mbiluni kwakwe.

Genesisi 6:6 Referans Kwoze

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

Vaefesu 4:30

mi nga henyiseni Moya wo Sawuleka wa Txizimu, awu mi nga vekelwa ngu wona txixambanyo txa kukomba ti to mi lumba Txizimu ka ditshiku diya txona txi nota mi tirula ngu dona ka magwito.

Vahebheru 3:10

Ngu toneto, ni nga henyela livelekolo, ni txi khani: ‘Yotshe mbimo, timbilu tawe ta hambuka, vona kha va ti zivi tinzila tangu.’

1 Samuwele 15:29

Kambe awule i ku Mtamo wa va ka Israyeli kha hembi mwendo kutilaya; nguko hi nga m'thu waku a na tilaya.

2 Samuwele 24:16

Mbimo yile Ngelozi koko yi nga guleta dianza da yona txitimwi ka Jerusalema, kasiku khundumusa, Mkoma a to tilaya ngu wubihi wule; a nje khene ka Ngelozi yile yi nga ti ti xasela hagari ka vathu: Tidingani, konkuwa thavisa dianza dako. Se Ngelozi ya Mkoma yi ti ti emile hafuhi ni txizenda txa Arawuna, Mujebhusi.

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

Jona 3:10

Se Txizimu txi to wona mithumo yawe, nga ti va nga hundulukisa tona ngu nzilani kwawe ko biha, se Txizimu txi tilayile ka wubihi wule txi nga ti ti wu wombile taku txi na wu maha, aniko kha txa wumaha.

Joyeli 2:13

Kambe vharulani timbilu tanu, i si nga syambalo sanu, se hundulukelani ka Mkoma, Txizimu txanu; nguko ene a ni wumbilu, ni kupfela, wa swela kuhenya, mbwa hombe ngu wumbilu, kambe wa tilaya ka wubihi.

Eksodha 32:14

Sekoko Mkoma a to thindeka ka txikhawuliso txi a nga ti pimisile ku txi maha ka vathu vakwe.

Ezekhiyele 33:11

Va gele, ani na hanya, kuwomba Mkoma Txizimu, kha ni tsakiswi ngu kufa ka m'bihi, aniko ngu ku m'bihi e hunduka ka nzila yakwe, e hanya; hundulukani, hundulukani ka tinzila tanu ta walo; nguko koko mi na fela txani, anu va nyumba ya ka Israyeli kani?

Jeremiya 26:19

Ina Ezekhiya, mfumeli wa ka Judha, ni dotshe ditiko da ka Judha, va mu date kani? Ina kha thava Mkoma, a txi kombela dikato, kuva Mkoma a txi hunduluka ka dikhombo di a nga womba ngu dona kwawe kani? Se athu, kha hi njo mahela wubihi mihefemulo yathu kani?

1 Makronika 21:15

Mkoma a to rumela ngelozi kuya khundumusa Jerusalema; mbimo yile yona yi nga ti khundumusa Mkoma a to ti wona, se e ti laya ngu wubihi wule; a nje khene ka ngelozi yile yi nga ti ti xasela: Tidingani! Konkuwa, thavisa dianza dako. Se Ngelozi ya Mkoma yi ti ti emile hafuhi ni txizenda txa Orinani, Mujebhusi.

Isaya 48:18

O! I tiku u to engisa sileleto sangu! Sekoko, kudikha kwako ku ndi na fana ni mnambo, ni kululama kwako nga mavimbi a linene.

Masalmo 106:45

a to alakanya txitumelelano txi a nga maha navo e telwa ngu wusiwana navo, nguko lirando lakwe nda hombe.

1 Samuwele 15:35

Se Samuwele kha swa kambe a txi wonana ni Sawule kala ka ditshiku da kufa kwawe; nguko Samuwele a ti ti ni wumbilu ni Sawule. Se Mkoma a to tilaya ngu kule a nga veka Sawule kuva mfumeli txitimwi ka va ka Israyeli.

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

Dhewuteronome 32:29

Idiku va txharihile, nga va txi ti pfisisa, nga va txi ziva kupimisa ta mangwana ni ta magwito awe!

Dhewuteronome 5:29

Sikwawe, idiku timbilu tawe yotshe mbimo to va ni mapimo o nga toneto, veva ni txithavo, va txi vekisa ngu kusimama sotshe sirumo sangu, va ndi na zumbiseka ta tinene, vona ni vanana vawe, kala kupinduka.

Jakobe 1:17

Sotshe sihiwa sa lisima, sotshe siningo sa kuhetiseka, si ta ngu txitimwi, si txi txhika ngu ka Tate wa liwoningo, awu a ku si nga ni kutxitxa, awu kuwoninga kwakwe ku ku si nga ni kutxitxa ku txi maha txidema.

Vahebheru 3:17

Mba mani va Txizimu txi nga va henyela mndani ka mune wa magumi a malembe, kani? Ina hi nga vava va nga onha, avava sirumbi sawe si nga sala txiwulani kani?

Malakiya 3:6

Nguko ani Mkoma, kha ni txitxi; ngu mhaka yeto, anu vanana va ka Jakobe, kha mi loviswi.

Hoseya 11:8

Ni ndi na kulekisa kutxani, awe Efrayime kani? Ni ndi na kuningelisa kutxani, awe Israyeli kani? Ni ndi na kumahisa kutxani ku nga Adhama kani? Ina ni ndi na kuveka ku nga Zebhoyimi kani? Mbilu yangu yi txitxile mndani kwangu, kotshe kunavela kwangu ka tura.

Masalmo 119:158

Ngako ni txi wona sindaka-milayo, na pandiseka, nguko kha si xayisi mithetho yako.

Masalmo 110:4

Mkoma a xambanyile kha na mbi tshumelela msana: “Awe u mphaxeli kala kupinduka, madingano ni mlayo wa Melkisedheki.”

Masalmo 95:10

Mune wa magumi a malembe ni swirekile,” niza ni txi khani: “Vathu vava va timbilu tawe ta va timeta, kambe kha va si zivi sileleto sangu!”

Masalmo 81:13

Idiku ngamu yangu yi ti ko ni engisa! Idiku Israyeli a ti ko londisela tinzila tangu!

Masalmo 78:40

Nzikhati singahi va nga eyisa Txizimu txiwulani va txi txi pandisa mbilu ditikoni mule ka kuoma!

Varoma 11:29

Kasi siningo sa Txizimu ni kudhanwa ngu txona kha si na kutshumelela msana.

Genesisi 6:7

Se Mkoma a ti khene: “Ni na fuvisa txitimwi ka mafu, m'thu wu ni nga mmaha, ni fuvisa kambe sihari, ni sihari so tsimbila ngu dibindi, ni sinyana sa nzumani; nguko na ti laya ngu kuva ni di si mahile.”

Jeremiya 18:7

Ngu mbimo yokari ni nga womba-womba ni wukela mfumo, ti taku ni wu dula ni kukhundumusa ni ku wu lovisa;