Genesisi 6:5 - Bhiblia Yo Sawuleka

⁵ Se Mkoma Txizimu a to wona tito, kubiha ka vathu ka anda ha mafuni, ni ti to mipimiso ya timbilu tawe yi va yisa kubihani yotshe mbimo.

Genesisi 6:5 Referans Kwoze

Matewu 15:19

Nguko mbiluni, ngu kona kuhumako mialakanyo yo biha, kudaya, wugelegele, wugango, wukhamba, kusingeta ni kuruketela.

Jeremiya 4:14

“Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?

Ekleziyaste 9:3

Awuwa mbubihi wu wu ku hagari ka totshe ti ti mahwako hahatshi ka ditambo: I ku tito, ka votshe, kuhumelela to fana; ni ti to, timbilu ta vanana va vathu ti tate ngu wubihi; wupumbu wu mu ka timbilu tawe, amu kuhanyani kwawe, ngu magwito vaya kufani.

Ekleziyaste 7:29

Wonani mhaka yi ni nga yi mana dwe, ngu yiya: Txizimu txi vangile m'thu a di lulamile, aniko ene a ti lavete so tala.

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Masalmo 53:2

Txizimu txi woni vathu txi di nzumani, kasi kuziva ti to mwendo ku ni wammweyo a ku ni mapimo; m'thu wu a lavako Txizimu.

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

Ezekhiyele 8:9

Sekoko a to ni gela ku khene: Wulela u wona wubihi wa manyala ya va ma mahetelako hawa.

Genesisi 13:13

Kambe vathu va Sodhoma va ti ti ni tshofu ngutu, va txi mahetela sionho sasingi masoni ka Mkoma.

Ezekhiyele 8:12

Sekoko a to ni gela ku khene: U ti woni, awe mwanana wa m'thu, a ti madhota a nyumba ya ka Israyeli ma mahetelako txidemani, mmweyo ni mmweyo nyumbani kwakwe ko pendetelwa sifananiso kani? Kambe vona va kha vona: Mkoma kha hi woni, Mkoma a lekile mafuni.

Mavingu 6:18

mbilu yo luka mipimiso ya wubihi, ni mikondo yo tutumela to biha,

Dhewuteronome 29:19

Kambe ku nga thuke ku txi maneka m'thu waku, ngako a di engisile mapswi a txixambanyo txiya, a txi ti dhumisa mbiluni kwakwe, a txi khene: “Ni na va ni kudikha, hambi ni txi ti ningetetela ka ta walo, madingano ni kuranda ka mbilu yangu, nguko kutala ka mati ku na thavisa ditora.”

Jobe 15:16

Ti mahisa kutxani taku m'thu e ti nyenyezisa ni kuva ni manyala, e sela wubihi ku nga mati kani?

Matewu 24:37

Nga ti ti nga maheka ka masiku a Nowa, ku na vanga toneto kuwuyani ka Mwanana wa M'thu.

Luka 17:26

“Nga ti ti nga humelela ka mbimo ya Nowa, ti nava toneto ka mbimo ya Mwanana wa M'thu.

1 Pedro 3:20

avale kale ka masiku a Nowa, va nga mbi va ni kuengisisa, mbimo yi Txizimu, ngu kuhonisela ka txona, txi nga verela kuakwa ka ngalava, ayi vathu vavadotho, (va mtxhanu ni vararu) va nga ti hanyisa ngu yona, txitimwi ka mati.

Jobe 22:15

Ina u nga va u di tsimbite ngu txinzilana txa kale, emo va nga tsimbila ngu kona vaonhi kani?