Genesisi 6:4 - Bhiblia Yo Sawuleka

⁴ Ka yona yile mbimo, ha mafuni ku ti ti ni vanyasihakate va nga velekwa, mbimo yi vanana va Txizimu va nga tekana ni mahorana, ya i ku vanana va vathu, ve veleka vanana. Ngu vonevo tindena ta nduma ta mbimo ya kale.

Genesisi 6:4 Referans Kwoze

Mitengo 13:33

Kambe hi woni vanyasihakate vanana va ka Anaki, va liveleko la vanyasihakate. Amu kuwonani kwathu, athu hi txi fanana ni titshera masoni kwawe; ni vona va txi hi wonisa toneto.”

Dhewuteronome 3:11

(Oge, mfumeli wa Bhasani, i ti ene ekha wa liveleko la vanyasihakate va ka Refayime a nga ti sate. A ti ti ni m'bhedhu wa simbi, awule wu nga ti ni mpimo wa mtxhanu wa mikono ni mune kulapha ka wona, ni mune wa mikono kuanama ka wona, ngu mpimo wa mkono wa vathu, ina kha wu nga diho ni konkuwa kona Rabha, m'tini ka vanana va ka Amoni kani?)

1 Samuwele 17:4

Sekoko ku to huma wamwamna wa ndena ngu digoveloni ka Vafilista, wule ditina dakwe i nga ti ti Goliya, wa Gati, a nga ti ni mtxhanu wa mikono ni wumwewo kulapha ni dianza dimwedo.

Mitengo 16:2

va to bhongela Mosi kumweko ni 250 wa vavamna va ka Israyeli, ava i ku vahombe va msengeletano, i ku siro sa habanza, na i ti madhota a ndhuma.

Genesisi 11:4

Va to kha vona: “A hi ti akeleni didhoropa ni txitezi, atxiya txiroro txa kona txi no hoka nzumani, se ditina dathu di na va ni nduma, kasi ku hi si hangalaswi ka otshe mafu.”

Dhewuteronome 2:11

Vona va ti ti wombwa ku kha vona Mbarefayime, ku nga va ka Anaki; aniko va ka Mowabhi va ti ti va dhana ku mba ka Emime.