Genesisi 6:3 - Bhiblia Yo Sawuleka

³ Sekoko, Mkoma a to khene: “Moya wangu kha wu na mbi zumba yotshe mbimo ka m'thu, nguko m'thu i nyama, ni masiku akwe kha ma na mbi pinda 120 wa malembe.”

Genesisi 6:3 Referans Kwoze

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

Jeremiya 11:11

Ngu konaho, Mkoma a khene: Ni na neha dikhombo txitimwi kwawe, kha va na mbi huluka ka dona; va na dilela kwangu, aniko kha ni na mbi va engisa.

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

Masalmo 78:39

Txizimu txi alakanyile ti to vona nziwumbwa sa nyama dwe, va fana ni moya wu wu pindako wu si wuyi kambe!

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Mitengo 11:17

Sekoko ani, ni na kwitima ni ta womba-womba ni nawe konaho; se ni nata hungula moya wu wu ku nemelako wekha, ni wu veka kwawe, kasi ve kuvhuna; se moya wu na kuvhuna kurwala vathu, na i si ngawe wekha u rwalako.

1 Vatesalonika 5:19

Mi nga timeni moya.

Johani 3:6

Asi si nga velekwa ngu mmidi i mmidi kambe asi si nga velekwa ngu Moya i moya.

Isaya 5:4

Njitxani tximwani txo dingana ku txi mahwa ka thembwe yangu atxi ani ni nga mbi txi maha kani? Ni ti verete kuvelekwa ka mauvha o tshamba, se ku txi ta velekwa mauvha o bava kani?

Jeremiya 11:7

Nguko kukhukhela ditshikwedo ni nga humisa ngu dona vatate vanu ditikoni ka Egipta, kala kuhoka nyamsi, ni va gete ni txi ngadi ni vinduka ni mixo, ni va laya, ni txi khani: Engisani dipswi dangu!

Genesisi 6:2

vanana va mazambi va Txizimu, ngu kuwona ti to vanana vamahorana va vathu va tshurile, va to langa vale va nga va navela, va txi maha vasikati vawe.

Isaya 57:16

Nguko kha ni na mbi lwa kala kupinduka, hambi kuya masoni ngu kuhenya; nguko moya wu nga guma mtamo masoni kwangu, ni mihefemulo yile ni nga yi va nga.

Masalmo 90:10

Masiku a kuhanya kwathu nga mtxhanu wa magumi ni magumi mambidi a malembe; avale va ku ni mtamo va hoka ka mtxhanu wa magumi ni magumi mararu a malembe, aniko i malembe a sikarato ni kupandiseka. Nguko ma pinda ngu kukuluveta, se athu hi mwalala.